पुणे: राज्यातील महानगरपालिका (Pune Politics) निवडणुकांचे बिगुल वाजले असून (Pune Mahapalika Election) येत्या 15 जानेवारी रोजी मतदान होणार आहे. या पार्श्वभूमीवर (Prashant Jagtap) राज्याच्या राजकारणात मोठ्या हालचाली सुरू झाल्या आहेत. पुण्यात विशेषतः राजकीय (Abhijeet Shivarkar) वातावरण चांगलेच तापले असून काँग्रेसला मोठा (Ajit Pawar) धक्का बसला आहे. काँग्रेसचे माजी राज्यमंत्री बाळासाहेब शिवरकर यांचे पुत्र आणि माजी नगरसेवक अभिजित शिवरकर यांनी भारतीय जनता पक्षात प्रवेश केला आहे. त्यांच्या पक्षप्रवेशामुळे पुण्यात काँग्रेसची अडचण वाढल्याचे चित्र आहे. (Latest Marathi News)
महापालिका निवडणुकीच्या तोंडावर भाजपमध्ये सातत्याने पक्षप्रवेश होत असून अभिजित शिवरकर यांच्या प्रवेशामुळे काँग्रेसला मोठा फटका बसला आहे. अभिजित शिवरकर हे वानवडी परिसरातील प्रभावी नेते मानले जातात. आता काँग्रेसमध्ये नव्याने दाखल झालेले प्रशांत जगताप यांच्या विरोधात वानवडी प्रभागातून भाजपकडून अभिजित शिवरकर यांना उमेदवारी मिळण्याची शक्यता वर्तवली जात आहे.
भाजपमध्ये प्रवेश केल्यानंतर अभिजित शिवरकर यांनी माध्यमांशी संवाद साधला. ते म्हणाले की, 2007 साली मी सर्वात तरुण नगरसेवक म्हणून निवडून आलो होतो. वानवडी परिसरात मी अनेक विकासकामे केली आहेत. तब्बल 14 वर्षांचा वनवास संपवून आज भाजपमध्ये प्रवेश करत असल्याची भावना त्यांनी व्यक्त केली. मी जिथे होतो तिथे एकनिष्ठ राहिलो असून आता भाजपमध्येही पूर्ण निष्ठेने काम करणार असल्याचे त्यांनी सांगितले. पुणे शहराच्या विकासासाठी भाजपसोबत जाण्याचा निर्णय घेतल्याचेही त्यांनी स्पष्ट केले.
महापालिका निवडणुकीमुळे पुण्यात राजकीय हालचालींना वेग आला आहे. भाजपमध्ये इनकमिंग सुरूच असल्याचे चित्र आहे. आज केवळ काँग्रेसलाच नाही तर अजित पवार गटाच्या राष्ट्रवादी काँग्रेसलाही भाजपने मोठा धक्का दिला आहे. माजी उपमहापौर आणि अजित पवार गटाचे नेते दिलीप बराटे यांनीही भाजपमध्ये प्रवेश केला आहे. या पक्षप्रवेशामुळे वारजे परिसरात राष्ट्रवादीला मोठा धक्का बसल्याचे बोलले जात आहे.
अभिजित शिवरकर आणि दिलीप बराटे यांच्या भाजप प्रवेशामुळे पुण्यातील राजकीय समीकरणे बदलण्याची शक्यता असून आगामी महापालिका निवडणूक अधिकच रंगतदार होण्याचे संकेत मिळत आहेत.
