Pimpri News : पिंपरी : हिंजवडी ग्रामपंचायतीच्या सरपंचपदासाठीच्या निवडणुकीदरम्यान निवडणूक निर्णय अधिकाऱ्यांकडून अर्ज हिसकावून, प्रतिस्पर्धी उमेदवाराचा अर्ज फाडल्याप्रकरणी हिंजवडी ग्रामपंचायत सदस्यावर गुन्हा दाखल करण्यात आला आहे. ही घटना सोमवारी (ता. २५) सकाळी साडेअकरा वाजण्याच्या सुमारास घडली.
निवडणूक निर्णय अधिका-याने दिली हिंजवडी पोलीस ठाण्यात फिर्याद
याप्रकरणी निवडणूक निर्णय अधिकारी हेमंत लक्ष्मण नाईकवाडी (वय ५६, रा. लुल्लानगर, पुणे) यांनी हिंजवडी पोलीस ठाण्यात फिर्याद दिली आहे. (Pimpri News) त्यानुसार मयुर राजेंद्र साखरे (रा. हिंजवडी) यांच्याविरोधात सरकारी कामात अडथळा आणल्याचा गुन्हा दाखल करण्यात आला आहे.
याबाबत सहाय्यक पोलीस निरीक्षक देशमुख यांनी दिलेल्या माहितीनुसार, हिंजवडी येथे सरपंचपदासाठीची निवडणूक सोमवारी (ता. २५) होती. (Pimpri News) या पदासाठी मयूर साखरे आणि गणेश जांभूळकर यांनी उमेदवारी अर्ज दाखल केले होते. दरम्यान, उमेदवारी अर्ज छाणणीप्रसंगी आरोपी साखरे यांनी जांभुळकर यांच्या अर्जावर आपल्याला हरकत घ्यायची आहे,
याबाबत निवडणूक निर्णय अधिकारी हेमंत लक्ष्मण नाईकवाडी यांच्याशी विचारविनिमय न करताच, प्रतिस्पर्धी उमेदवाराचा उमेदवारी अर्ज निवडणूक निर्णय अधिकारी नाईकवाडी यांच्याकडून हिसकावून ताब्यात घेतला आणि फाडून टाकला. (Pimpri News) याप्रकरणी सरकारी कामात अडथळा आणल्याची फिर्याद निवडणूक निर्णय अधिकारी हेमंत लक्ष्मण नाईकवाडी यांनी हिंजवडी पोलीस ठाण्यात दाखल केली आहे.
अधिक बातम्या वाचण्यासाठी येथे क्लिक करा :
Pimpri News : राजन लाखे यांच्या ‘बकुळगंध’ या ग्रंथाची समीक्षात्मक चर्चा
