पिंपरी चिंचवड : शहरात यशवंत नगर येथील शंकर चौधरी चौक परिसरात एका तरुणाने त्याची प्रेयसी दुसऱ्या मुलासोबत बोलत असल्याचे पाहून मुलाच्या अंगावरती चार चाकी वाहन घातला आहे. ही घटना सोमवारी मध्य रात्री एकच्या सुमारास घडली आहे.
या घटनेमध्ये दुचाकीस्वार निलेश शिंदे मुलगा जखमी झाला आहे. त्या मुलावर पिंपरी चिंचवड महानगरपालिकेच्या वाय सी एम रुग्णालयामध्ये उपचार सुरू आहेत. सुशील काळे असे अंगावर चारचाकी गाडी घालणाऱ्या तरुणाचे नाव असून या अपघातात निलेश शिंदे हा तरुण जखमी झाला आहे. त्याची प्रेयसी निलेश शिंदे या तरुणासोबत बोलत थांबल्याचे पाहून सुशील काळे चा राग अनावर झाल्याने सुशील काळे याने स्वत:ची चार चाकी गाडी निलेश शिंदे यांच्या अंगावर घातली आहे.
यावेळी पिंपरी पोलिसांनी आरोपी सुशील काळे यांच्या विरोधात 307 अंतर्गत खूनाचा प्रयत्न केल्या प्रकरणी त्याच्यावर गुन्हा दाखल केला आहे.
