Pimpri News पिंपरी : पिंपरी-चिंचवड ‘ॲडव्होकेट्स बार असोसिएशन’च्या नवनिर्वाचित कार्यकारिणीचा उच्च व तंत्रशिक्षण मंत्री चंद्रकांत पाटील यांच्या हस्ते शुक्रवारी (दि.१०) सत्कार करण्यात आला. पुनरुत्थान समरसता गुरुकुलम्, चिंचवडगाव येथे पद्मश्री गिरीश प्रभुणे आणि ॲड. सतीश गोरडे यांच्या उपस्थितीत सत्कार करण्यात आला.
यावेळी कार्यकारिणीतील ॲड. रामराजे भोसले (अध्यक्ष), ॲड. प्रतीक्षा खिलारी (उपाध्यक्ष), ॲड. धनंजय कोकणे (सचिव), ॲड. मोनिका सचवाणी (महिला सचिव), ॲड. उमेश खंदारे (सहसचिव), ॲड. अजित खरोडे (खजिनदार) आणि सदस्य ॲड. फारूख शेख, ॲड. अय्याज शेख, ॲड. दशरथ बावकर, ॲड. स्वाती गायकवाड, ॲड. मीनल दर्शले, ॲड. अस्मिता पिंपळे यांची उपस्थिती होती.
नवीन प्राधिकरण येथील जागेचे भूमिपूजन करून काम सुरू करण्यात यावे, असे निवेदन यावेळी चंद्रकांत पाटील यांना देण्यात आले. चंद्रकांत पाटील यांनी नूतन कार्यकारिणीला शुभेच्छा दिल्या.
