Pune Crime पुणे : सख्या भाच्याने डॉक्टर असलेल्या आपल्या आत्यासंदर्भात इंस्टाग्राम अकाउंटवर अश्लील फोटो आणि पोस्ट टाकून विनयभंग केला. याप्रकरणी येरवडा पोलिसांनी संबंधित भाच्या विरोधात भादवि कलम 354, 354 (अ), 500, 509 यासह आयटी ॲक्ट 67 अनुसार गुन्हा दाखल केला आहे. ही घटना 15 नोव्हेंबर रोजी रात्री घडली आहे.
याप्रकरणी 58 वर्षीय महिलेने फिर्याद दिली आहे. सदर ही महिला महाराष्ट्र हाऊसिंग बोर्ड येथे राहण्यास आहे. व्यवसायाने त्या डॉक्टर आहे. तर, आरोपी हा त्यांच्या सख्ख्या भावाचा मुलगा आहे. सध्या तो गुजरातमधील वापी या ठिकाणी राहतो. आरोपीने त्याच्या इंस्टाग्राम अकाउंटवर फिर्यादी महिलेच्या विरुद्ध अश्लील फोटो आणि पोस्ट टाकून ती व्हायरल केली. महिलेची समाजामध्ये बदनामी केली असल्याचे फिर्यादीत नमूद करण्यात आले आहे.
