पुणे : भारतीय जनता पक्ष अल्पसंख्यांक मोर्चाच्या पुणे शहर सरचिटणीसपदी मुबारक शेख यांची नियुक्ती करण्यात आली आहे. पर्वती विधानसभा मतदार संघात पन्ना प्रमुख ते बूथ अध्यक्ष व शक्ती केंद्र प्रमुख अशा अनेक पदावर त्यांनी काम केले असून हा अनुभव पाहता ही निवड करण्यात आली. भाजप पुणे शहर अध्यक्ष धीरज घाटे यांनी नियुक्तीपत्र प्रदान केले आहे.
कौसरबाग कोंढवा येथील सिटी हॉल येथे संपन्न झालेल्या या कार्यक्रम प्रसंगी मा. आ. योगेश टिळेकर, प्रवक्ता अलीभाई दारूवाला व अन्य मान्यवर उपस्थित होते. या प्रसंगी बोलतांना नवनियुक्त सरचिटणीस मुबारक शेख यांनी आगामी काळात धीरजजी घाटे, मा. आ. माधुरीताई मिसाळ, दीपक उर्फ बाबाशेठ मिसाळ पर्वती मतदारसंघ अध्यक्ष प्रशांत दिवेकर ,भारतीय जनता पार्टी अल्पसंख्यांक मोर्चा पुणे शहर अध्यक्ष इम्तियाजभाई मोमीन यांच्या मार्गदर्शनाखाली पक्षाने दिल्ली जबाबदारी पूर्ण निष्ठेने व जबाबदारीने पार पाडू असे नमूद केले.
