पुणे: कामासाठी लोकेशनवर जायचे आहे, असे सांगत हांडेवाडीतील एका लॉजवर घेऊन जात जबदस्तीने महिलेशी शारीरिक संबंध ठेवल्याचा धक्कादायक प्रकार समोर आला आहे. याबाबत पडित महिलेने हडपसर पोलीस ठाण्यात फिर्याद दिली आहे. त्यानुसार फैजल मोहम्मद तांबोळी (रा. वडगाव शेरी) याच्याविरुद्ध पोलिसांनी गुन्हा दाखल केला आहे.
पोलिसांनी दिलेल्या माहितीनुसार, नोव्हेंबर 2023 च्या दरम्यान आरोपी फैजल मोहम्मद तांबोळी याने फिर्यादी यांना नेहमीप्रमाणे कामासाठी एका लोकेशनवर जायचे आहे, असे सांगत हांडेवाडीतील एका लॉजवर घेऊन गेला. त्यानंतर फिर्यादी महिलेला जवळ ओढून गालावर चुंबन घेऊन व नंतर अंगावरील सर्व कपडे बळजबरीने ओढून काढत फिर्यादी यांच्यासोबत शारीरिक संबंध ठेवले. तेव्हा फिर्यादी यांनी फैजल यास खूप प्रतिकार केला असता, त्याने तेथेच पुन्हा एकदा बळजबरीने शरीर संबंध ठेवले. त्यानुसार हडपसर पोलीस स्टेशनमध्ये भादंवि कलाम ३७६(२)नुसार गुन्हा दाखल करत आरोपीला ताब्यात घेतले आहे. अधिक तपास महिला पोलीस उपनिरीक्षक खळदे करत आहेत.
