इंदापूर : तालुक्यातील दगडवाडी येथील राष्ट्रवादी काँग्रेस पक्षाच्या कार्यकर्त्यांनी भाजप नेते हर्षवर्धन पाटील यांच्या उपस्थितीत भाजपमध्ये प्रवेश केला. या पक्षप्रवेशाने राष्ट्रवादी काँग्रेसला खिंडार पडले आहे.
भारत सूळ, अमोल मोटे, सतीश काळे, सुरेश सूळ या राष्ट्रवादी काँग्रेसच्या कार्यकर्त्यांनी भाजपमध्ये प्रवेश केला. त्यांचा हर्षवर्धन पाटील यांनी सत्कार केला व त्यांचे पक्षात स्वागत केले. यावेळी हर्षवर्धन पाटील यांनी भाजपमध्ये प्रवेश केलेल्या कार्यकर्त्यांशी संवाद साधला. भाजपचा महाराष्ट्रासह देशामध्ये जनाधार वेगाने वाढत असल्याचे यावेळी हर्षवर्धन पाटील यांनी नमूद केले.
इंदापूर तालुका भाजपचे अध्यक्ष अॅड. शरद जामदार, दगडवाडी गावातील भाजपचे जेष्ठ कार्यकर्ते रामदास रासकर, राजू सूळ, मनोज निंबाळकर, सोसायटी चेअरमन सचिन रासकर, रणजीत रासकर आदी कार्यकर्ते उपस्थित होते.
