लोणी काळभोर (पुणे) : पुणे-सोलापूर महामार्गावरील कदमवाकवस्ती (ता. हवेली) ग्रामपंचायत हद्दीतील लोणी स्टेशन परिसरात एका ४० वर्षीय तरुणाने राहत्या घरी वायरच्या साहाय्याने गळफास घेऊन आत्महत्या केल्याची धक्कादायक घटना घडली आहे. गुरुवारी (ता. ७) सकाळी साडेनऊ वाजण्याच्या सुमारास ही घटना उघडकीस आली आहे.
पिटर थॉमस भोसले (वय-४०, रा. लोणी स्टेशन, कदमवाकवस्ती, ता. हवेली) असे आत्महत्या केलेल्या तरुणाचे नाव आहे. मिळालेल्या माहितीनुसार, पीटर भोसले हा कुटुंबांसमवेत लोणी स्टेशन परिसरात राहत होता. बुधवारी (ता. ६) रात्री अकरा वाजण्याच्या सुमारास घरी आला होता. जेवण करून त्याच्या खोलीत झोपण्यासाठी गेला होता.
गुरुवारी सकाळी नऊ वाजल्या तरी पिटर खोलीतून बाहेर आला नाही. घरातील आई व वडील यांनी त्याला आवाज दिला मात्र त्याने कोणताही प्रतिसाद दिला नाही. नागरिकांच्या मदतीने खोलीचा दरवाजा तोडून आत जाऊन पाहणी केली असता, पिटर याने खोलीतील फॅनला वायरच्या सहाय्याने आत्महत्या केल्याचे निदर्शनास आले.
दरम्यान, सदर ठिकाणी लोणी काळभोर पोलीस दाखल झाले असून, पुढील कार्यवाही सुरु आहे. पिटर याच्या मागे आई, वडील, भाऊ, बहिण असा परिवार आहे. पिटर याने आत्महत्या का केली याचे कारण अद्याप अस्पष्ट असून, तपास लोणी काळभोर पोलीस अधिक तपास करीत आहेत.
