दीपक खिलारे
Indapur News : इंदापूर : इंदापूर तालुका राष्ट्रवादी युवक काँग्रेसच्या (शरद पवार गट) तालुकाध्यक्षपदी अक्षय कोकाटे यांची निवड लवकरच जाहीर होणार आहे. राष्ट्रवादी युवक काँग्रेसचे प्रदेशाध्यक्ष महेबूब शेख येत्या दोन-तीन दिवसांत निवड जाहीर करतील, अशी माहिती अधिकृत सूत्रांनी दिली.
येत्या दोन-तीन दिवसांत होणार घोषणा
राज्यात राष्ट्रवादी काँग्रेस पक्षात उभी फूट पडली असून, पवार विरुद्ध पवार असा संघर्ष निर्माण झाला आहे. तर इंदापूर तालुक्यातील बहुतांश नेत्यांनी अजित पवार यांचे नेतृत्व स्वीकारून अजित पवार यांना पाठिंबा दिला आहे. (Indapur News) मात्र, रोहित पवार यांचे कट्टर समर्थक युवा नेते अक्षय कोकाटे यांनी राष्ट्रवादीचे सर्वेसर्वा शरद पवार व खासदार सुप्रिया सुळे यांचे समर्थन केले. त्यामुळे इंदापूर तालुका राष्ट्रवादी युवक काँग्रेसच्या अध्यक्षपदी कोकाटे यांची निवड करण्यात येणार आहे.
कोकाटे यांनी गेली अनेक वर्षे राष्ट्रवादी युवक काँग्रेसमध्ये प्रामाणिकपणे काम केले आहे. सच्चा आणि कट्टर कार्यकर्ता हा कायम सोबत असतो, या म्हणीप्रमाणे कोकाटे आणि त्यांच्या इतर सहकाऱ्यांनी शरद पवार यांना खंबीर साथ दिली आहे. (Indapur News) त्यामुळे कोकाटे यांच्यावर राष्ट्रवादी युवक काँग्रेसच्या तालुकाध्यक्षपदाची महत्त्वाची जबाबदारी सोपवली जाणार असल्याची माहिती मिळत आहे.
अधिक बातम्या वाचण्यासाठी येथे क्लिक करा :
Indapur News : एन. पी. इन्फ्राप्रोजेक्टस कंपनीवर सदोष मनुष्यवधाचा गुन्हा दाखल करा – संतोष मोरे
Indapur News : भाजप युवा मोर्चाच्या पुणे जिल्हाध्यक्षपदी अंकिता पाटील-ठाकरे यांची निवड
Indapur News : जनशक्ती शेतकरी संघटनेच्या आंदोलनाला राष्ट्रवादीचे प्रत्युत्तर
