Hadapsar News : हडपसर : माझ्या चाड्या करतो म्हणून तरुणाच्या डोक्यात कोयत्याने वार केल्याची धक्कादायक घटना फुरसुंगी (ता. हवेली) ग्रामपंचायत हद्दीतील भेकराईनगर परिसरात नुकतीच घडली आहे. या हल्ल्यात तरुण गंभीर जखमी झाला असून त्याच्यावर खाजगी रुग्णालयात उपचार सुरु आहेत. तर हडपसर पोलिसांनी आरोपीला अटक केली आहे.
खुनाचा प्रयत्न केल्याचा गुन्हा दाखल
पंकज अंकुश धोत्रे (वय-२८, रा. सिंहगड कॉलनी, भेकराईनगर, फुरसुंगी) असे अटक करण्यात आलेल्या आरोपीचे नाव आहे. तर या हल्ल्यात रणजित रिठे असे जखमी झालेल्या तरुणाचे नाव आहे. (Hadapsar News) याप्रकरणी विनय शरद खवळे (वय-२४, रा. सिंहगड कॉलनी, भेकराईनगर, फुरसुंगी) यांनी हडपसर पोलीस ठाण्यात फिर्याद दिली आहे.
पोलिसांनी दिलेल्या माहितीनुसार, फिर्यादी खवळे हे त्यांच्या घरासमोर दुचाकीवर बसले होते. तेव्हा त्यांच्या घरासमोर राहणारा आरोपी पंकज याने अचानक फिर्यादी खवळे यांना शिवीगाळ करुन त्याच्या तोंडावर ठोसा मारुन खाली पाडले. ते पाहून फिर्यादीचा मामेभाऊ रणजित रिठे हा मध्ये आला. (Hadapsar News) तेव्हा आरोपीने त्यालाही ठोसा मारला.
त्यानंतर आरोपी म्हणाला, रणजितला तू माझ्या बद्दल चाड्या करतो. तुझ्यामुळे माझी नोकरी गेली व माझ्याकडे सारखा रागाने बघतो, तुला मी जीवंत सोडणार नाही. (Hadapsar News) तुझा कायमचा विषय संपवून टाकतो, असे बोलून त्याने रणजित याच्या तोंडावर, डावे बाजूला, डोक्यावर वार करुन गंभीर जखमी केले.
याप्रकरणी खवळे यांनी हडपसर पोलीस ठाण्यात फिर्याद दिली आहे. त्यानुसार हडपसर पोलीस ठाण्यात खूनाचा प्रयत्न केल्याचा गुन्हा दाखल करण्यात आला. (Hadapsar News) गुन्हा दाखल होताच, पोलिसांनी आरोपी पंकज धोत्रे याला अटक केली, पुढील तपास पोलीस उपनिरीक्षक खळदे करीत आहेत.
