नारायणगाव : पुणे जिल्ह्यातील नारायणगाव येथे माणुसकीला काळीमा फासणारी धक्कादायक घटना समोर आली आहे. बापानेच आपल्या चार वर्षांच्या मुलीवर लैंगिक अत्याचार केल्याचा प्रकार समोर आला आहे. याप्रकरणी आरोपीविरोधात नारायणगाव पोलिस ठाण्यात गुन्हा दाखल झाला असून, त्याला अटक करण्यात आली आहे.
नारायणगाव येथील ही घटना असून, आरोपी हा पीडित मुलीचा बाप असल्याची माहिती समोर आली आहे. या बलात्कार प्रकरणी पीडितेच्या आईनेच पोलिसांत फिर्याद दिली. तसेच त्याने फिर्यादीसोबत अनैसर्गिक कृत्य केल्याचेही म्हटले आहे.
दरम्यान, या फिर्यादीवरून आरोपीविरोधात विविध कलमान्वये नारायणगाव पोलिस ठाण्यात गुन्हा दाखल करण्यात आला आहे. आरोपीला खेड सत्र न्यायालयात हजर केले असता त्याला 2 फेब्रुवारीपर्यंत पोलीस कोठडी सुनावण्यात आली आहे.
