पुणे: टीम इंडियाच्या माजी क्रिकेटपटू सलील अंकोला याच्या आईचा पुणे येथील राहत्या घरात खून करण्यात आला आहे. या घटनेनंतर शहरात एकच खळबळ उडाली आहे. माला अशोक अंकोला (वय ७७) असे माजी क्रिकेटपटूच्या आईचे नाव आहे. पुण्यातीलप्रभात रोडवर असलेल्या राहत्या घरात त्यांचा खून झाल्याची प्राथामिक माहिती मिळत आहे. याप्रकरणी पोलिसांनी चौकशी सुरू केली आहे.
याबाबत मिळालेल्या माहितीनुसार, माजी क्रिकेटपटू सलील अंकोला यांच्या आईची हत्या झाल्याची घटना उघडकीस आली आहे. पुण्यातील राहत्या घरी सलील यांच्या आईची हत्या करण्यात आली आहे. या घटनेने परिसरात मोठी खळबळ उडाली आहे.
माला अंकोला या माजी क्रिकेटपटू सलील अंकोला याच्या आई आहेत. माला यांच्यावर हल्ला केल्यानंतर त्यांना पूना रुग्णालायात दाखल करण्यात आलं होतं. मात्र, उपचारापूर्वी त्यांचा मृत्यू झाल्याचे डॉक्टरांनी सांगितले. बाहेरून आलेल्या अज्ञात लोकांनी त्यांची हत्या केल्याची प्राथमिक माहिती मिळत आहे. माला अंकोला याची हत्या का आणि कोणी केली, याची माहिती अद्याप समजू शकली नाही.
