शिरूर : मांडवगण फराटा (ता. शिरुर) येथील भीमा नदीच्या काठावर एका अनोळखी तरुणाचा (अंदाजे वय ३० ते ३५) मृतदेह आढळला आहे. सदर प्रकार मंगळवारी (दि.१) सकाळी उघडकीस आला असून पोलीसांनी सदर प्रकरणी अकस्मात मृत्यूची नोंद केली आहे.
शिरुर पोलीसांनी दिलेल्या माहितीनुसार, मांडवगण फराटा येथील भीमा नदीच्या काठावर मंगळवारी (दि.१) एका अनोळखी तरुणाचा मृतदेह आढळला आहे. मृत तरुणाच्या अंगात राखाडी रंगाचा हाप बाह्याचा टी शर्ट असून त्यावर पांढरे टिपके आहेत, तसेच अंगात राखाडी रंगाची पॅन्ट आहे.
