सातारा : पुणे-बंगळुरू महामार्गावर सोमवारी ११ डिसेंबरला रात्रीच्या सुमारास ट्रक आणि ऊसाची वाहतूक करणाऱ्या ट्रॅक्टरमध्ये भीषण अपघात झाल्याची घटना घडली. या अपघातात ट्रॅक्टरमध्ये बसलेल्या महिलेसह एका पुरुषाचा जागीच मृत्यू झाला. तर ट्रकमधील एक जण जखमी झाला आहे.
अपघाताची माहिती मिळताच स्थानिकांसह पोलिसांनी घटनास्थळी धाव घेत जखमीला उपचारासाठी रुग्णालयात दाखल केलं आहे. अपघातातील मृतांची नावे समजू शकली नाही. दरम्यान, अपघातग्रस्त ट्रक भरधाव वेगात पुण्याच्या दिशेने येत होता. या ट्रकने लिंबेगावजवळ ऊस वाहतूक करणाऱ्या ट्रॅक्टरला जोरदार धडक दिली. या धडकेत ट्रॅक्टरवर बसलेली महिला आणि पुरुष रस्त्यावर पडले.
काही समजण्याच्या आतच त्यांच्या अंगावरून ट्रॉलीचे चाक गेले. या घटनेत पुरुषाचा जागीच मृत्यू झाला. तर महिला गंभीर जखमी झाली. तिला तातडीने उपचारासाठी रुग्णालयात दाखल केलं असता, डॉक्टरांनी मृत घोषित केलं. अपघातात ट्रकमधील एकजण जखमी झाला असून त्याच्यावर उपचार सुरू आहेत.
