Political News : नाशिक : आम्हाला जागा द्या, असे आम्ही भाजपला म्हणणार नाही. त्यांनी स्वतःहून आम्हाला जागा द्याव्यात. आम्हाला मंत्रिमंडळ विस्तारात कॅबिनेट मंत्रिपद हवं आहे, अशी अपेक्षा महादेव जानकर यांनी व्यक्त केली. आमचं हेलिकॉप्टर जर लॅन्ड झालं तर, आम्ही आमची जागा दाखवून देऊ, असंही त्यांनी म्हटलं. या विधानाची सध्या राज्याच्या राजकारणात चर्चा होत आहे.(Political News)
शिंदे-फडणवीस सरकारचा मंत्रिमंडळ विस्तार वर्षभरापासून रखडला आहे.
शिंदे-फडणवीस सरकारचा मंत्रिमंडळ विस्तार वर्षभरापासून रखडला आहे. मंत्रिमंडळ विस्तार लवकरच होणार असल्याचं सत्ताधारी पक्षाकडून सांगण्यात येत आहे. मंत्रिमंडळात आपल्याला योग्य स्थान मिळेल, अशी अनेकांची अपेक्षा आहे. रासप पक्षाकडूनही मंत्रिमंडळ विस्तारात कॅबिनेट मंत्रिपद मिळण्याची अपेक्षा बोलून दाखवण्यात आली आहे.(Political News)
मी इंजिनियरिंगचा विद्यार्थी आहे. त्यामुळे मी प्रॅक्टिकल वागतो. ज्याच्यामागे लोक आहेत, त्याला सोडायचं आणि ज्याच्या मागे कुणीही नाही, त्याला घ्यायचं, असं भाजपचं सध्याचं धोरण आहे. त्यांना कपालेश्वर बुद्धी देवो, (Political News)असं म्हणत महादेव जानकर म्हणाले की, भाजपला मित्र पक्षाची गरज आहे. पण त्यांनी मित्र पक्षाची वाट लावली आहे. त्यामुळेच आमची स्वतंत्र लढण्याची तयारी सुरू आहे. सध्याची राजकीय परिस्थिती पाहता महादेव जानकर बंड करण्याच्या तयारीत तर नाही ना, अशी चर्चा आता होऊ लागली आहे.
आम्हाला विधानसभेला, लोकसभेला जागा मिळाली नाही. आम्ही बंडखोरी करून शेवटी आमचा आमदार निवडून आणला. शाहू, फुले, आंबेडकर यांचे विचार सांगणाऱ्या काँग्रेस, राष्ट्रवादीने आम्हाला सोबत घेतलं नाही. आम्ही एनडीएमध्ये आहोत; पण आम्हाला लोकसभेला जागा मिळाली नाही. मी स्वतःच्या हिंमतीवर पक्ष चालवतो. आम्ही म्हणतो एनडीएमध्ये आहे. पण ते जाहीरपणे म्हणत नाही. ज्यावेळी माझे ५० आमदार असतील, त्यावेळी मी बोलेन, असंही महादेव जानकर म्हणाले.(Political News)
भाजप जगातला सर्वात मोठा पक्ष आहे, त्यांना सल्ला देण्याइतपत मी मोठा नाही. त्यांच्यावर आम्ही नाराज नाही, राग देखील नाही. मी स्वतःला सांगतो, की महादेव जानकर स्वतःला मोठा कर… त्यावेळी मीडिया देखील मागे येईल, असा आशावाद त्यांनी बोलून दाखवला आहे.(Political News)
दरम्यान, पंकजा मुंडे यांना बीआरएस पक्षाने दिलेल्या ऑफरविषयी बोलताना जानकर म्हणाले की, पंकजा मुंडे माझी बहीण आहे. त्या एका पक्षाच्या सचिव आहेत. त्या हुशार आहे. त्यामुळे त्या योग्य तो निर्णय घेतील. मी सल्ला देण्याइतपत मोठा नाही.(Political News)
