राजेंद्रकुमार गुंड
Madha News : माढा, (सोलापूर) : माढा विधानसभा मतदारसंघाचे आमदार बबनदादा शिंदे यांना राज्य मंत्रिमंडळात विस्तारात कॅबिनेट मंत्री म्हणून स्थान देण्यात यावे अशी मागणी माढा विधानसभा मतदारसंघातील राष्ट्रवादी काँग्रेसच्या शिष्टमंडळाने उपमुख्यमंत्री अजितदादा पवार यांच्याकडे निवेदनाद्वारे केली आहे. मागील तीस वर्षापासून सलग सहा वेळा राष्ट्रवादीकडून निवडून आले आहेत असे निवेदनात म्हटले असून मुंबई येथे शुक्रवारी (ता. ०७) भेट घेऊन हि मागणी करण्यात आली आहे. Madha News
यावेळी विठ्ठलराव शिंदे सहकारी साखर कारखान्याचे उपाध्यक्ष वामनभाऊ उबाळे, कृषी उत्पन्न बाजार समितीचे उपसभापती सुहास पाटील, माजी कृषी सभापती संजय पाटील – भिमानगरकर तालुकाध्यक्ष रमेश पाटील यांच्यासह अनेक मान्यवरांनी उपमुख्यमंत्री अजितदादा पवार यांच्याशी सविस्तर चर्चा करून निवेदन दिले आहे. Madha News
दिलेल्या निवेदनानुसार, आमदार बबनदादा शिंदे यांनी सरपंच पदापासून आपल्या राजकीय जीवनाची सुरुवात केली, पुढे पंचायत समिती सभापती, जिल्हा परिषद सदस्य, जिल्हा दूध संघाचे चेअरमन व १९९५ ला अपक्ष तर १९९९ पासून आज पर्यंत राष्ट्रवादी काँग्रेसचे सलग पाच वेळा माढा विधानसभा मतदारसंघाचे आमदार म्हणून कार्यरत आहेत. सोलापूर जिल्ह्यात व तालुक्यात झालेली हरितक्रांती, धवलक्रांती, कृषी व औद्योगिक क्रांती,वीज केंद्रे, बोगदा व उपसासिंचन योजना,रस्ते, शैक्षणिक व आरोग्य सुविधा आदी सर्व बाबी आपल्याच सहकार्याने कार्यान्वित करून मतदारसंघातील शेतकरी व सर्वसामान्य जनतेचे जीवनमान उंचावले आहे. या सर्व बाबींचा विचार करून आपण बबनदादा शिंदे यांना राज्य मंत्रिमंडळ विस्तारात कॅबिनेट मंत्रीपद द्यावे असे आग्रही मत सर्व कार्यकर्त्यांनी केले आहे.
यावेळी राष्ट्रवादी काँग्रेसचे तालुकाध्यक्ष कैलास तोडकरी, जिल्हा दूध संघाचे संचालक शंभूराजे मोरे, अल्पसंख्यांक सेलचे अध्यक्ष शब्बीर जहागीरदार, राष्ट्रवादी युवक काँग्रेसचे अध्यक्ष संभाजी पाटील, माजी जिल्हा परिषद अध्यक्षा डॉ. निशिगंधा कोल्हे, जिल्हा दूध संघाचे माजी संचालक शिवाजी पाटील-चांदजकर, जिल्हा परिषद सदस्या रोहिणी मोरे, शुभांगी उबाळे, रोहिणी ढवळे, झुंजार भांगे, उपसभापती धनाजी जवळगे, राष्ट्रवादीचे कार्याध्यक्ष रामभाऊ शिंदे, खरेदी विक्री संघाचे अध्यक्ष तुकाराम ढवळे, दिपक पाटील, विक्रम उरमोडे आदी मान्यवर उपस्थित होते. Madha News
