लहू चव्हाण
पांचगणी : काटवली (ता. जावली) येथील कै. दत्तात्रय कळंबे महाराज नागरी सहकारी पतसंस्थेच्या चेअरमनपदी रविकांत बेलोशे यांची तर व्हा.चेअरमनपदी हरिश्चंद्र गावडे यांची बिनविरोध निवड करण्यात आली.
संस्थेचे संस्थापक स. म. बेलोशे गुरुजी यांच्या मार्गदर्शनाखाली सन २०२२ – २०२३ ते २०२७-२०२८ या कालावधीसाठीची संचालक मंडळ पंचवार्षिक निवडणूक नुकतीच बिनविरोध पार पडली. त्यानंतर चेअरमन व्हा.चेअरमन पदाच्या निवडीसाठी संस्थेच्या दापवडी येथील मुख्य कार्यालयात विशेष सभा घेण्यात आली. निवडणूक निर्णय अधिकारी म्हणून गणेश देशमुख यांनी काम पाहिले.
यावेळी नवनिर्वाचित चेअरमन व व्हा चेअरमन यांचा संस्थेचे माजी चेअरमन व ज्येष्ठ संचालक तुकाराम घाटगे यांचे हस्ते सत्कार करण्यात आला. यावेळी नवनिर्वाचित संचालक तुकाराम घाटगे (दापवडी) , प्रकाश मारुती रांजणे (महू ) , हरिश्चंद्र महादेव गावडे (आखेगणी ) , रामचंद्र बबन चिकणे (रुईघर), विजय बाजीराव रांजणे (रांजणी) , रविकांत दिनकर बेलोशे (काटवली), बाबुराव रामचंद्र रांजणे (घोटेघर), सौ. इंदू पांडुरंग शिंदे (शिंदेवाडी ) , मधुकर विठ्ठल पवार (संनपाने) , भीमराव बापू खरात (काटवली) तसेच का विकास सेवा सोसायटीचे चेअरमन शंकर पवार, रामचंद्र बेलोशे, जगन्नाथ बेलोशे, मुकुंद शिंदे, लहू चव्हाण, हरिभाऊ गोळे, पांडुरंग शिंदे, व्यवस्थापक अनिल रांजणे यांची यावेळी उपस्थिती होती.
यावेळी बोलताना चेअरमन रविकांत बेलोशे म्हणाले संस्थेचे संस्थापक स. म. बेलोशे गुरुजी आणि ज्येष्ठ संचालक तुकाराम घाटगे यांच्या मार्गदर्शनानुसार सर्व संचालकांना व कर्मचाऱ्यांना बरोबर घेवून त्यांनी टाकलेला विश्वास सार्थ करीत संस्थेच्या भरभराटीसाठी आपण प्रामाणिक प्रयत्न करणार असल्याचे सांगून लवकरच संस्थेचे कार्यक्षेत्र वाढवून पांचगणी येथे शाखा काढण्याचा यावेळी संकल्प व्यक्त केला.
व्हा. चेअरमन यावेळी म्हणाले सर्व संचालकांनी माझ्यावर जी जबाबदारी टाकली आहे त्या विश्वासास पात्र राहून कार्यरत राहणार असल्याचे सांगितले. माजी चेअरमन विजय रांजणे यांनी स्वागत केले.
यावेळी निवडणूक निर्णय अधिकारी गणेश देशमुख व नवनिर्वाचित सर्व संचालकांचा शाल श्रीफळ देवून सत्कार करण्यात आला. यावेळी शामराव रांजणे, अजित रांजणे, शंकर गोळे, रामदास गलगले, सुनीता राजपुरे तसेच परिसरातील नागरिक उपस्थित होते. अनिल रांजणे यांनी सूत्रसंचालन केले तर हरिश्चंद्र गावडे यांनी आभार मानले.
