लोणी काळभोर, (पुणे) : एमआयटी आर्ट डिझाईन आणि टेक्नॉलॉजी विद्यापीठाच्याकॉलेज ऑफ मॅनेजमेंट या विद्याविभागाला बिजनेस टुडे तर्फे करण्यात आलेल्या बी-स्कूल सर्वेक्षणात जाहीर केलेल्या क्रमवारीत देशात १३७ वे स्थान मिळाले आहे. ही क्रमवारी आमचा उत्साह वाढवणारी आणि विद्यापीठात शिकवल्या जाणाऱ्या मूल्याधिष्ठित शिक्षणाचा गौरव करणारी असल्याचे प्रतिपादन एमआयटी कॉलेज ऑफ मॅनेजमेंटच्या संचालिका डॉ. सुनिता मंगेश कराड यांनी केले.
लोणी काळभोर (ता. हवेली) येथील एमआयटी आर्ट डिझाईन आणि टेक्नॉलॉजी विद्यापीठाच्या कॉलेज ऑफ मॅनेजमेंट या विद्याविभागाला बिजनेस टुडे तर्फे करण्यात आलेल्या बी स्कूल सर्वेक्षणात जाहीर केलेल्या क्रमवारीत देशात १३७ वे स्थान मिळाले आहे. यावेळी या सबंधी माहिती देताना कराड बोलत होत्या.
एमआयटी कॉलेज ऑफ मॅनेजमेंटच्या या यशाबद्दल एमआयटी एडीटी विद्यापीठाचे कार्याध्यक्ष आणि कुलगुरू प्रा डॉ मंगेश कराड, प्र कुलगुरू डॉ अनंत चक्रदेव, कुलसचिव डॉक्टर महेश चोपडे, विद्यार्थी विभागाचे प्रमुख डॉ रामचंद्र पूजेरी, डॉ सुदर्शन सानप, डॉ. रजनीश कौर बेदी यांनी अभिनंदन केले.
यापुढे बोलताना सुनिता कराड म्हणाल्या की, विद्यार्थ्यांच्या सर्वांगीण प्रगती होण्यास एकविसाव्या शतकातील व्यवस्थापकीय नेतृत्व, तात्विक कामगिरी आणि तंत्रकुशल व्यक्तिमत्व घडण्यास मदत होऊन रोजगारक्षम व व्यावसायिक प्रगती होण्यास मदत होईल. बिजनेस टुडे ची क्रमवारी ही तज्ज्ञ व्यक्तींच्या मार्फत विश्लेषण करून अधिकृत व वैविध्यपूर्ण अशा पद्धतीने जाहीर होते. जी उद्योग जगताकडूनही स्वीकारली जाते.
दरम्यान, एमआयटी कॉलेज ऑफ मॅनेजमेंट क्षेत्रातील नामवंत शिक्षणसंस्था आहे. रोजगार, अध्यापन अध्ययन व स्रोत, संशोधन, औद्योगिक उत्पन्न व एकीकरण, प्लेसमेंट धोरण व सहकार्य, भविष्यवेधी मार्गदर्शन आणि बाह्यधारणा व आंतरराष्ट्रीय दृष्टिकोन या सात मुद्यांवर सर्वेक्षण करून ही क्रमवारी तयार केली जाते. व्यवस्थापन क्षेत्रात विद्यार्थ्यांच्या आणि इंडस्ट्रीच्या गरजांनुसार अभ्यासक्रम आम्ही देतो.
