राहुलकुमार अवचट
यवत : दौंड तालुक्यातील नानगाव येथील अॅड. आश्लेषा नंदकिशोर शेलार यांची दौंड तालुका राष्ट्रवादी युवती काँग्रेसच्या अध्यक्षपदी नियुक्ती करण्यात आली आहे. संसदरत्न खासदार सुप्रिया सुळे यांच्या हस्ते नुकतेच नियुक्तीपत्र देण्यात आले.
यावेळी खासदार सुप्रिया सुळे यांनी आश्लेषा शेलार यांना पुढील राजकीय व सामाजिक वाटचालीस शुभेच्छा दिल्या.
यावेळी माजी आमदार व पुणे जिल्हा बँकेचे संचालक रमेश थोरात, राष्ट्रवादी काँग्रेसचे जिल्हाध्यक्ष प्रदीप गारटकर, पुणे जिल्हा राष्ट्रवादी युवती काँग्रेस अध्यक्षा पुजाताई बुट्टे पाटील, दौंड तालुकाध्यक्ष आप्पासाहेब पवार, वैशाली धगाटे यांसह राष्ट्रवादी काँग्रेसचे मान्यवर व पदाधिकारी उपस्थित होते.
