उत्तर प्रदेश: आग्रा जिल्ह्यातील बर्हान परिसरातून दिवाळीनिमित्त घरी आलेल्या एका तरुणावर त्याच्या वहिणीने अत्यंत क्रूर हल्ला केल्याची धक्कादायक घटना समोर आली आहे. दिराला खोलीत बोलावून त्याचे गुप्तांग कापल्याचा आरोप त्याच्या वहिणीवर करण्यात आला आहे. जखमी तरुणावर सध्या दिल्लीतील एम्स रुग्णालयात उपचार सुरू असून, त्याची प्रकृती आता स्थिर असल्याची माहिती मिळत आहे. (Uttar Pradesh Latest Crime News)
बहिणीसोबत लग्नाला विरोध
मिळालेल्या माहितीनुसार, हल्द्वानी येथील एका सिमेंट कंपनीत काम करणारा तरुण दिवाळी साजरी करण्यासाठी रविवारी घरी आला होता. सोमवारी कुटुंबासह पूजा झाल्यानंतर तो रात्री हॉलमध्ये झोपला होता.
हेही वाचा: Pune News: ८ महिन्यांपूर्वी बेपत्ता… पण प्रत्यक्षात मृत, भाजप नेत्याच्या सासऱ्यासोबत नेमकं काय घडलं
पीडित कुटुंबाच्या आरोपानुसार, तरुणाची वहिणी, जी आपल्या तीन मुलांसह दुसऱ्या खोलीत झोपली होती, तिने पहाटे २ वाजताच्या सुमारास पिडीत तरुणाला आपल्या खोलीत बोलावले. तिथे त्यांच्यात वाद झाला अन् त्याचे गुप्तांग कापले. तरुणाने मोठ्या किंकाळीमुळे कुटुंब जागे झाले आणि त्यांनी त्याला तातडीने रुग्णालयात दाखल केले.
बहिणीशी लग्नासाठी दबाव
घटनेची माहिती मिळताच पोलिसांनी धाव घेतली आणि गंभीर अवस्थेतील योगेशला दिल्लीतील एम्स रुग्णालयात दाखल करण्यात आले.
या प्रकरणी जखमी दिराने तक्रार दाखल केली आहे. वहिणी या पिडीत तरुणावर आपल्या धाकट्या बहिणीशी लग्न करण्यासाठी कुटुंबावर दबाव आणत होती. मात्र, दिर तिच्याशी लग्नासाठी तयार नव्हता आणि त्याने कोणताही प्रतिसाद दिला नाही. यामुळे संतापून आणि रागाच्या भरात वहिणीने हे कृत्य केल्याचे तक्रारीत नमूद करण्यात आले आहे.
हेही वाचा: ठाकरेंच्या शिवसैनिकाची निर्घृण हत्या; परिसरात खळबळ
समोर आलेल्या माहितीनुसार, पिडीत तरुणाचे त्याच्या लग्न वहिणीच्या बहिणीशी न ठरवता कुटुंबाने दुसरीकडे ठरवले होते. यामुळेच वहिणीने हे पाऊल उचलले असावे, असा संशय व्यक्त होत आहे.
या प्रकरणी पोलिसांनी पिडीत तरूनाच्या वहिनीवर गुन्हा दाखल केला आहे.
