पुणे : दिशा सालियन मृत्यू प्रकरणात महत्वाची माहिती समोर आली आहे. या प्रकरणाच्या तपासाला आता केंद्रीय अन्वेषण ब्यूरोने (CBI) पुन्हा एकदा गती दिली आहे. या प्रकरणातील गूढ उकलण्यासाठी सीबीआय लवकरच दिशाच्या वडिलांशी संपर्क साधून त्यांचा सविस्तर जबाब नोंदवण्याची शक्यता वर्तवण्यात येत आहे.
केंद्रीय अन्वेषण ब्यूरो आता दिशाच्या मृत्यूप्रकरणी कुटुंबीयांकडून माहिती घेणार आहे. घटनेच्या रात्री नेमके काय घडले होते आणि त्यादरम्यान परिस्थिती कशी होती, याबद्दल अधिक स्पष्टता मिळवण्यासाठी सीबीआय दिशाच्या वडिलांकडून सविस्तर माहिती घेणार आहे.यापूर्वी मुंबई पोलीस आणि विशेष तपास पथकाने या प्रकरणाची सखोल पाहणी केली होती. मात्र, आता सीबीआय सर्व महत्त्वाच्या पैलूंची पुन्हा एकदा बारकाईने पडताळणी करत आहे.
दिशा सालियन प्रकरणासंदर्भात काही नवे दावे आणि नवीन माहिती समोर आल्यानंतर सीबीआयने या दिशेने आपल्या तपासाची चक्रे वेगाने फिरवण्यास सुरुवात केली आहे.दिशा सालियनच्या मृत्यूबाबत सुरुवातीपासूनच विविध शंका उपस्थित केल्या जात होत्या. आता केंद्रीय यंत्रणेने या प्रकरणात थेट लक्ष घातल्यामुळे आणि तपासाचा वेग वाढवल्यामुळे या प्रकरणाला एक वेगळे वळण मिळाले आहे.
दिशाच्या वडिलांच्या जबाबामुळे या प्रकरणाशी संबंधित अनेक अनुत्तरित प्रश्नांची उत्तरे समोर येण्याची शक्यता व्यक्त केली जात आहे.
