नवी दिल्ली: लोकसभा निवडणुकीच्या तारखा जाहीर झाल्यानंतर भारतीय जनता पक्षाने आज तिसरी यादी जाहीर केली. या यादीत केवळ नऊ उमेदवारांची नावे आहेत. ही सर्व नावे तामिळनाडू लोकसभा मतदारसंघातील आहेत. के. अन्नामलाई यांना कोईम्बतूर मतदारसंघातून संधी देण्यात आली आहे. कन्याकुमारीमधून पो. राधाकृष्णन, तर एल मुरुगन निलगिरीतून निवडणूक लढवणार आहेत.
कोण आहेत अण्णा मलाई
अण्णा मलाई 2011 च्या बॅचचे आयपीएस अधिकारी आहेत. 2019 मध्ये त्यांनी पोलीस सेवा सोडली. त्यानंतर ते 2020 मध्ये भाजपचा भाग बनले. सध्या ते तामिळनाडू भाजपचे अध्यक्ष आहेत.
पहिल्या यादीत भाजपने एकूण 195 उमेदवारांची घोषणा केली होती, ज्यामध्ये मध्य प्रदेश आणि राजस्थानवर लक्ष केंद्रित करण्यात आले होते. पक्षाने 13 मार्च रोजी दुसरी यादी जाहीर केली. या यादीत हरियाणा, हिमाचल प्रदेश, उत्तराखंड आदी राज्यांतील उमेदवारांची घोषणा करण्यात आली.
