Ram Mandir : 22 जानेवारीला अयोध्येतील राम मंदिरात प्रभू रामाच्या प्रतिमेचे अभिषेक होणार आहे. या पार्श्वभूमीवर अयोध्येसह संपूर्ण एनसीआरमध्ये सुरक्षा वाढवण्यात आली आहे. प्राणप्रतिष्ठेच्या दिवशी म्हणजेच 22 जानेवारीला अयोध्येत ज्यांना निमंत्रण आले आहे, त्यांनाच अयोध्येत प्रवेश दिला जाईल, असे प्रशासनाकडून आधीच सांगण्यात आले आहे, मात्र असे असतानाही व्हीआयपी पाससाठी लोक विविध प्रयत्न करत आहेत.
दरम्यान, 22 जानेवारीला अयोध्येत प्रवेशासाठी व्हॉट्सअॅपवर व्हीआयपी पास पाठवले जात आहेत. विशेष म्हणजे हे पास प्रशासनाकडून नसून सायबर चोरट्यांकडून पाठवले जात आहेत. व्हॉट्सअॅपवर पाठवल्या जाणाऱ्या मेसेजमध्ये लिहिले आहे की, “22 जानेवारीला राम मंदिराच्या उद्घाटनासाठी तुम्हाला VIP पास मिळत आहे. अॅप्लिकेशन इन्स्टॉल करून VIP पास डाउनलोड करा.
अनेकांना व्हॉट्सअॅपवर सेव्ह करण्याचे मेसेज आले आहेत. हा पास दाखवून तुम्हाला २२ जानेवारीला प्राणप्रतिष्ठा सोहळ्यात प्रवेश दिला जाईल. या मेसेजसोबत एका अॅपची फाइलही पाठवली जात असून लोकांना मोफत व्हीआयपी पाससाठी हे अॅप डाउनलोड करण्यास सांगितले जात आहेत.
या APK फाइलद्वारे हॅकर्स तुमच्या फोनमध्ये मालवेअर इन्स्टॉल करत आहेत. मालवेअर इन्स्टॉल झाल्यावर ते तुमचा फोन रिमोटने पूर्णपणे नियंत्रित करू शकतात. त्यानंतर ते तुमच्या बँक खात्यातही घुसू शकतात. अशा परिस्थितीत व्हीआयपी पासच्या भानगडीत न पडता 22 जानेवारीनंतरच अयोध्या यात्रेचे नियोजन केलेले बरं. या मेसेजशिवाय अनेक बनावट वेबसाइट्स अयोध्येसाठी पास देण्याचा दावाही करत आहेत. अशा साइट्स आणि मेसेजपासून सावध राहा.
