Vasai Murder : वसई विरारमध्ये सोमवारी सकाळी एका बैठ्या चाळीतील बंद खोलीत ८ वर्षीय मुलीचा मृतदेह आढळून आला होता. चांदनी साह असे या मयत मुलीचं नाव आहे. शनिवारी १ डिसेंबर रोजी ती शाळेतून घरी आली. घरी आल्यावर आईस्क्रिम आणण्यासाठी दुकानात गेली आणि त्यानंतर ती अचानक गायब झाली.
आपली मुलगी कुठे गेली यासाठी कुटुंबियांनी शोधाशोध सुरू केली. चाळीतल्या सर्व घरांमध्ये तिचा शोध घेतला. रात्र झाली तरी ती घरी परतली नाही. कुटुंबियांनी रात्री उशीरा पेल्हार पोलीस ठाण्यात ती बेपत्ता असल्याची तक्रार दाखल केली होती. या घटनेने परिसरात एकच खळबळ उडाली होती.(Vasai Murder)
दरम्यान, पेल्हार पोलिसांच्या तपासात धक्कादायक माहिती समोर आली आहे. विशेष म्हणजे ही घटना आरोपी मुलाच्या वडिलांनी माहिती असतानाही त्यांनी ही माहिती लपवली. मुलाने हत्या केल्यानंतर आरोपीच्या वडिलांनी मुलीचा मृतदेह बाजूच्या घरात टाकल्याची माहिती समोर आली आहे. सध्या अल्पवयीन मुलगा फरार असून आरोपी मुलाच्या वडिलांनी पोलिसांनी अटक केली आहे.(Vasai – Virar Crime News)
स्वत्तःच्या मुलाला वाचवण्यासाठी चिमुकलीचा मृतदेह बंद खोलीत
पोलिसांनी अधिक तपास केल्यावर, त्याच परिसरातील एक अल्पवयीन मुलगा गायब असल्याचं समजलं. पोलिसांनी त्या मुलाच्या वडिलांजवळ चौकशी केली असता खुनाच्या हत्येचा उलगडा झाला. मृत मुलगी शेजारी राहणाऱ्या मुलाला शेंबड्या शेंबड्या चिडवत होती. रागाच्या भरात 1 डिसेंबरला मुलाने तिचा गळा दाबून हत्या केली.
त्याने ही घटना वडिलांना सांगितली. वडिलांनी घटना लपवण्यासाठी चिमुकलीचा मृतदेह बंद खोलीमध्ये ठेवून त्याची विल्हेवाट लावण्याच्या तयारीत होते. सध्या वडिलांना पोलिसांनी अटक केली आहे तर आरोपी अल्पवयीन मुलागा ही जालना येथे सापडल्याची प्राथमिक माहिती मिळत आहे.
