युनुस तांबोळी
शिरूर, (पुणे) : विद्यार्थी मित्रांनो समाजात आपली स्वतः ची ओळख निर्माण करताना आपन कोण आहोत याचा अभ्यास करा. मोबाईलच्या तांत्रीक युगात हरवून न जाता आई-वडिलांची संस्कृती जपा. एकमेकांशी नात दृढ करताना सर्वाना समजावून घ्या. जीवनात यशस्वी होण्यासाठी प्राथमिक शिक्षणाचा पाया मजबूत करा. असे आवाहन प्रसिद्ध व्याख्याते वसंत हंकारे यांनी व्यक्त केले.
टाकळी हाजी (ता. शिरूर) येथे मा. बापुसाहेब गावडे माध्यमिक व उच्च माध्यमिक विद्यालयात ‘बाप समजावून घेताना संघर्षाकडून यशाकडे’ या व्याख्यानाचे आयोजन करण्यात आले होते. यावेळी हंकारे यांनी वरील प्रतिपादन केले. विद्यालयाचे माजी विद्यार्थी विकास घोडे, पै.स्वप्निल गावडे, भरत घोडे, शरद घोडे यांनी नियोजन केले होते.
यावेळी शिरूरचे माजी आमदार पोपटराव गावडे, संस्थेचे सचिव राजेंद्र गावडे, शिरूर नगरपालिकेचे माजी नगराध्यक्ष मनिषा गावडे, घोडगंगाचे संचालक सोपान भाकरे, माजी उपसरपंच अजित गावडे, तुकाराम ऊचाळे, चेअरमन प्रश्नांत चोरे, शांताई उद्योग समूहाचे दिलीप सोदक, सोसायटीचे व्हाइस चेअरमन साहेबराव लोखंडे, पतसंस्थेचे व्हाइस चेअरमन खंडू जाधव, संचालक बाबाजी रासकर, धोंडीभाऊ गावडे, योगेश भाकरे, दत्ताशेठ उनवणे, सोसायटीचे संचालक अक्षय वरखडे, माजी सदस्य धोंडीभाऊ जाधव, निवृत्त प्राचार्य प्रभाकर खोमणे, प्राचार्य आर. बी. गावडे, शिक्षक, शिक्षकेत्तर कर्मचारी,विद्यार्थी उपस्थित होते.
माजी आमदार पोपटराव गावडे म्हणाले की, शाळांमधून विद्यार्थ्यांना प्रोत्साहित करणाऱ्या व्याख्यान माला सुरू होणे गरजेचे आहे. त्यातून पालक, विद्यार्थी व शिक्षक यांचा समन्वय साधला जाईल.
दरम्यान, या निमित्ताने विद्यालयाचे सर्व माजी विद्यार्थी यामध्ये शिवनगर शाळेचे आदर्श शिक्षक बाळासाहेब घोडे यांना यशवंतराव चव्हाण सेंटरचा डॉ. कुमुद बन्सल गुणवंत शिक्षक पुरस्कार, पुण्यनगरीचे पत्रकार विजय थोरात यांची राज्य मराठी पत्रकार परिषदेच्या पुणे जिल्हा उपाध्यक्षपदी निवड, ॲड. भरत खाडे यांची एल. एल.बी. पदवी प्रदान केल्याबद्दल, वसंतराव काणे आदर्श तालुका पुरस्कार मराठी पत्रकार संघाला पुरस्कार मिळाल्याबद्दल सत्कार समारंभ आयोजित करण्यात आला होता. राजेंद्र गावडे, आर. बी. गावडे यांचे भाषण झाले. कार्यक्रमाचे सूत्रसंचालन डी. एम. नीचित यांनी तर आभार एस. सी. गावडे यांनी मानले.
