मुंबई : क्रीडा विश्वातून अंत्यंत धक्कादायक बातमी समोर येत आहे. लाईव्ह मॅचवेळी खेळाडूच्या अंगावर वीज पडून त्याचा जागीच मृत्यू झाल्याची दुर्दैवी घटना घडली आहे. ही घटना रविवारी घडली आहे. वीज पडलेल्या खेळाडूला तात्काळ रुग्णालयात दाखल करण्यात आलं. मात्र, उपचारापूर्वीच त्याचा मृत्यू झाला असल्याचं डॉक्टरांनी सांगितले. या घटनेचा व्हिडीओ सध्या सोशल मीडियावर प्रचंड व्हायरल होत आहे.
नेमकं काय घडलं?
इंडोनेशियामध्ये पश्चिम जावामधील एफबीआय सुबांग आणि एफसी बांडुंग या दोन संघांमध्ये फुटबॉल सामना सुरू होता. यावेळी खेळाडू त्याच्याकडे बॉल येण्याची वाट पाहत उभा होता. मात्र त्यावेळी अचानक त्या खेळाडूच्या अंगावर वीज पडली. वीजेच्या धक्क्याने तो खेळाडू जाग्यावरच पडला. या घटनेने मैदानातील इतर खेळाडू प्रचंड घाबरले होते.
काही खेळाडू वीजेच्या आवाजाने मैदानाच्या बाहेर पळून गेले. ज्या खेळाडूच्या अंगावर वीज पडली आहे, त्याच्याजवळ इतरही खेळाडू उभे होते. या घटनेचा व्हिडीओ सोशल मीडियावर तुफान व्हायरल झाला आहे. हा व्हिडीओ पाहून अनेक खेळाडू प्रेमींना मोठा धक्का बसला आहे. खेळात असताना जाग्यावरच खेळाडूचा मृत्यू झाल्याने हळहळ व्यक्त केली जात आहे.
Footballer dies after hitting by lightning in Indonesia???????? https://t.co/zBZJkrlHVz
— Abdul Rahman Mashood (@abdulrahmanmash) February 12, 2024
NEW: Footballer (soccer) dead after being struck by lightning during a match in Indonesia pic.twitter.com/PAzxzHKnsA
— Robert D in Tulsa – #PureBlood (@RobertDinTulsa) February 12, 2024
