मुंबई : राष्ट्रवादी काँग्रेसच्या कार्याध्यक्षा आणि खासदार सुप्रिया सुळे यांच्यावर टीका करणाऱ्या भाजप महिला मोर्चाच्या अध्यक्ष चित्रा वाघ यांना आता शरद पवार गटाकडून उत्तर देण्यास सुरुवात झाली आहे. राष्ट्रवादी काँग्रेसचे युवक प्रदेशाध्यक्ष मेहबूब शेख यांनी चित्रा वाघ यांच्यावर खालच्या शब्दात टीका केली. “लाचखोर नवऱ्याची सुपारीबाज बायको, चारित्र्याबद्दल बोलूच नको”, अशा शब्दांत मेहबूब शेख यांनी चित्रा वाघ यांच्यावर टीका केली.
चित्रा वाघ यांनी सुप्रिया सुळेंवर हल्ला करताना “राज्याच्या मोठ्ठ्या ताई…सुप्रियाताईंना 100 कोटी वसुली करून देणारा गृहमंत्रीच आवडत असेल तर त्याला महाराष्ट्र तरी काय करणार? गुन्हेगारांच्या मुसक्या आवळणारा गृहमंत्री तुम्हाला आवडणार नाहीच. महिलांच्या बेपत्ता प्रकरणात संपूर्ण देशातील आणि अगदी महाविकास आघाडी काळातील परिस्थिती सभागृहात सांगून तुमचे समाधान होणार नाही, असं चित्रा वाघ म्हणाल्या होत्या.
काय म्हणाले मेहबूब शेख ?
सध्या एका लाचखोर नवऱ्याच्या बायकोला प्रसिद्धी हवी आहे, ती गेल्या दोन दिवसांपासून प्रसिद्धीसाठी सुप्रिया सुळेंवर टीका करत आहे. तिला कोणी बोललं की, महिला आणि बाईपण आठवतं. खरंतर हिचं तोंड उघडलं की गटारगंगा तोंडातून बाहेर निघते. ती बाई संसदरत्न खासदार सुप्रिया सुळे यांच्यावर खालच्या शब्दात बोलते. मग, सुप्रियाताई महिला नाहीत का? त्यांच्याबद्दल टीका करताना सुसंस्कृत टीका करा. भारतीय जनता पक्षाच्या इतर महिला नेत्या आहेत. उमाताई खापरेंसारख्या महिलांबद्दल आदर आहे, कारण त्या पातळी सोडून टीका करत नाहीत, त्या सुसंस्कृत आहेत. पण ही लाचखोर नवऱ्याची सुपारीबाज बायको हिला सुसंकृतपणाचा अर्थ कळत नाही, म्हणून तिला तिच्याच भाषेत उत्तर द्यावं लागतं.
आज तू सुप्रिया सुळे यांच्या वांग्याचा हिशेब सांगतेस, एवढाच हिशेब जर माहिती होता, तर 2001 ते 2019 पर्यंत तू सुप्रियाताईंच्या शेतात वांगी तोडायला होतीस का? त्यावेळी हे आठवलं नाही का? खासदार सुप्रिया सुळेंनी आपला हिशेब निवडणूक आयोगाला दिला आहे. पण तुझ्या नवऱ्यावर लाचलुचपत विभागाने कारवाई केली तेव्हा उत्पन्ना स्त्रोतापेक्षा जास्त उत्पन्न आढळलं. त्यात दोन फ्लॅट ही बेनामी संपत्ती आहे. हे फ्लॅट कुठून आले? तू सुपाऱ्या घेऊन बदनामी करते त्याचे हे फ्लॅट आहेत का, अशी विचारणा मेहबूब शेख यांनी केली.
