Mumbai ED Raid : मुंबईत ईडीचं धाडसत्र सुरु आहे. दादरमधील लग्नसराईत बस्त्याच्या खरेदीसाठी प्रसिद्ध असलेल्या भरतक्षेत्र साडीच्या दुकानावर ईडीची छापेमारी सुरु आहे. ईडीची टीम दुकानात पोहचली असून सर्च ऑपरेशन सुरु केलं आहे. (Maharashtra ED Action)
मिळालेल्या माहितीनुसार, आज बुधवारी सकाळी 7 ते 8 वाजेच्यादरम्यान 20 ते 25 ईडीच्या अधिकाऱ्यांनी दुकानावर धाड टाकली. दादरच्या गर्दीच्या ठिकाणी हे दुकान असल्याने आजूबाजूच्या परिसरात चर्चेचा विषय बनला आहे. भरतक्षेत्र दुकानाचे मालक मनसुख गाला यांची देखील चौकशी केली जात आहे. अजूनही या दुकानावर छापेमारी सुरू असल्याची माहिती समोर येत आहे. मात्र, ईडीच्या अधिकाऱ्यांकडून या कारवाई संदर्भात अजून कुठलीही अधिकृत माहिती देण्यात आलेली नाही.
ईडीचे अधिकारी भरतक्षेत्र दुकानाचे मालक मनसुख गाला यांच्या घरी देखील चौकशीसाठी पोहोचले आहेत. ईडीचे अधिकारी दादर येथील त्रिशला इमारती मधील 4 फ्लॅटची देखील चौकशी करत आहेत. भरतक्षेत्र दुकान मालक गाला यांचे या त्रिशला इमारतीत 4 फ्लॅट्स आहेत. त्रिशला इमारत भरतक्षेत्र दुकासमोरच आहे.
