Sharad Pawar Breaking News: राष्ट्रवादी काँग्रेस पार्टी शरदचंद्र पवार पक्षाची (Nationalist Congress Sharadchandra Pawar Party) आज (9 नोव्हेंबर) मुंबईतील यशवंतराव चव्हाण सेंटर येथे बैठक पार पडली. या बैठकीत पवारांनी आगामी स्थानिक स्वराज संस्थांच्या (Sharad Pawar On Local Body Elections) निवडणुकीसंदर्भात पदाधिकाऱ्यांना महत्त्वाच्या सूचना दिल्या आहेत. पक्षानं भाजप सोबत युती करु नये अशा स्पष्ट सूचना शरद पवार यांनी बैठकीत दिल्या.
नुकतीच राष्ट्रवादी काँग्रेस शरदचंद्र पवार पक्षाची बैठक यशवंतराव चव्हाण सेंटर येथे बैठक पार पडली. या बैठकीला पक्षाचे राज्यभरातील खासदार, आमदार उपस्थित होते. यावेळी पवारांनी कोणत्याही परिस्थितीत भाजपसोबत जायचं नाही अशा स्पष्ट सूचना पदाधिकारी व उपस्थित नेत्यांना दिल्या आहेत. भाजप सोबत युती नाही म्हणजे अजित पवारांच्या राष्ट्रवादी सोबत आघाडी करण्याचा मार्ग या निमित्तानं मोकळा झाला आहे का? हे मात्र अजूनही अस्पष्ट आहे.
ते म्हणले, “स्थानिक स्वराज्य संस्थांच्या निवडणुकीत मूळ ओबीसी उमेदवारांना प्राधान्य द्यावं. मूळ ओबीसी प्रमाणपत्र धारक उमेदवार मिळत नसेल तर त्या ठिकाणी कुणबी प्रमाणपत्र असलेल्या उमेदवाराचा विचार करावा आणि उमेदवारी द्यावी” अशा स्पष्ट सूचना शरद पवारांनी यावेळी दिल्या आहेत.
