लोक डेटिंगच्या सुरुवातीलाच ‘या’ चुका करतात, म्हणूनच राहतात सिंगल

पुणे प्राईम न्यूज: आजकाल डेटिंग करणे खूप कठीण झाले आहे. आता वेगवान जीवनशैलीचा परिणाम लोकांच्या नात्यावरही दिसून येतो. या धावपळीच्या जीवनात, जोडप्यांमधील रोमान्सदेखील बराच कमी झाला आहे. आता रोमान्सची कल्पना पूर्णपणे बदलली आहे. लोकांना फक्त प्रेमळ जोडीदाराचीच गरज नाही, तर प्रत्येक बाबतीत परिपूर्ण असा आदर्श जोडीदारही हवा आहे. त्याचवेळी जर आपण सोशल मीडियाबद्दल बोललो, तर यामुळे डेटिंगची प्रक्रिया आणखी कठीण झाली आहे.

जेव्हा नातेसंबंध सुरू होतात तेव्हा लोक खूप उत्सुक आणि चिंताग्रस्त असतात. ही अशी वेळ असते जेव्हा तुम्ही तुमच्या समोरच्या व्यक्तीला आणि त्याच्या सवयी समजून घेण्याचा प्रयत्न करत असता. ही अशी वेळ आहे जेव्हा तुम्ही आणि तुमच्या जोडीदारामध्ये एक मजबूत कनेक्शन तयार होत असते. पण या सुरुवातीच्या काळात लोक काही चुका करतात ज्यामुळे त्यांचा रोमान्स संपतो. त्यामुळे जर तुम्हालाही डेटिंगचा आनंद घ्यायचा आणि रोमान्स वाढवायचा असेल तर काही चुका टाळा –

जास्त विचार करणे थांबवा:

डेटिंगच्या सुरुवातीच्या टप्प्यात लोक अनेक गोष्टींचा विचार करू लागतात, यामुळे तुम्हाला काही साध्य होत नाही. उलट तुम्ही एंग्जाइटीला बळी पडू शकता. अनेक वेळा लोक एकमेकांना नकळत भविष्याची योजना आखू लागतात. त्यामुळे सुरुवातीलाच रोमान्स शेवट होतो.

फिजिकल इंटिमेसी:

डेटिंगच्या अगदी सुरुवातीला शारीरिक संबंध प्रस्थापित करणे हे तुमच्या नात्यासाठी चांगले मानले जात नाही. यामुळे तुम्ही शारीरिकदृष्ट्या पुढे जाता, पण तुमच्या दोघांमधील भावनिक संबंध तुटतो. अनेक वेळा या कारणामुळे काही दिवसांतच लोकांचे नाते तुटते.

गुप्तहेर बनणे :

नातेसंबंधातील आपल्या जोडीदाराची चौकशी करणे अगदी सामान्य आहे, परंतु बऱ्याच वेळा लोक डेटिंगच्या सुरुवातीस अशा गोष्टी करण्यास सुरुवात करतात. यामुळे समोरच्याला असे वाटते की, तुमचा त्याच्यावर विश्वास नाही. असे केल्याने तुमचे नाते सुरुवातीलाच तुटू शकते.

खूप लवकर अपेक्षा करणे:

डेटिंगच्या अगदी सुरुवातीला कोणीही तुमचा पार्टनर बनत नाही. डेटिंग ही एक अशी प्रक्रिया आहे, ज्याद्वारे तुम्ही एखाद्या व्यक्तीला समजून घेता आणि नंतर तुम्ही पार्टनर बनता. अशा परिस्थितीत, सुरुवातीच्या टप्प्यातच व्यक्तीकडून खूप अपेक्षा ठेवणे आणि त्या पूर्ण करण्यासाठी तिच्यावर दबाव आणणे, हे तुमच्या डेटिंगसाठी धोकादायक ठरू शकते.

खूप मेसेजिंग:

डेटिंग करत असताना एकमेकांशी रोज बोलणं खूप गरजेचं आहे, पण अति मेसेजिंगमुळे समोरची व्यक्ती तुमच्यावर नाराज होऊ शकते. बर्‍याच वेळा, जास्त मेसेजिंगमुळे तुमचे कनेक्शन कमकुवत होऊ लागते. अशा परिस्थितीत खूप मेसेज पाठवण्यापेक्षा समोरासमोर बसून बोलणे गरजेचे आहे.

हेही वाचा:

प्रदेशाध्यक्ष नाना पटोलेंसमोर नागपूर काँग्रेसचे दोन गट भिडले, थेट एकमेकांचे कपडे फाडले!

गौतमी पाटील नाव ऐकलंय का? शरद पवारांचा भरसभेत प्रश्न; म्हणाले आपण मुलांना काय शिकवायचं?

अजित पवार मुख्यमंत्री होणार हे स्वप्नच, शरद पवारांचे वर्मावर बोट