Political News : मुंबई, ता. १२ : ‘राज्याच्या मोठ्ठ्या ताई…सुप्रियाताईंना 100 कोटी वसुली करून देणाराच गृहमंत्री आवडत असेल तर त्याला महाराष्ट्र तरी काय करणार? गुन्हेगारांच्या मुसक्या आवळणारा गृहमंत्री त्यांना आवडणार नाहीच’ असा घणाघात भाजप नेत्या चित्रा वाघ यांनी राष्ट्रवादी काँग्रेसच्या खासदार सुप्रिया सुळे यांच्यावर केला.
राज्याच्या सुरक्षेसाठी देवेंद्र फडणवीस यांना गृहमंत्रिपद देऊ नये
अजित पवार राज्याचे मुख्यमंत्री झाले तर त्याचा आनंदच असेल, त्यांना पहिला हार मी घालणार. त्यासाठी फडणवीसांनी ही संधी मला द्यावी, अशी खोचक टीका सुप्रिया सुळे यांनी केली होती. तसेच अजित पवारांनी राज्याच्या सुरक्षेसाठी देवेंद्र फडणवीस यांना गृहमंत्रिपद देऊ नये, असंही त्यांनी म्हटलं होतं. सुप्रिया सुळे यांनी केलेल्या या टीकेला ट्विट करुन चित्रा वाघ यांनी प्रत्युत्तर दिले आहे.
काय म्हटलंय ट्विटमध्ये…
महिलांच्या बेपत्ता प्रकरणात संपूर्ण देशातील आणि अगदी महाविकास आघाडी काळातील परिस्थिती सभागृहात सांगून तुमचे समाधान होणार नाही, कारण…
– ससून प्रकरणात 9 पोलिस निलंबित झाले, पण तुम्हाला ते आवडले नसेल कारण…
– हेरंब कुलकर्णी हल्लाप्रकरणी आरोपींना बेड्या ठोकल्या, पण तेही तुम्हाला आवडले नसेल कारण…
कारण, तुम्हाला फक्त 100 कोटीत रस आहे. मग ते एकरी वांग्यातून असो की वसुली करून देणारा गृहमंत्री…
तुम्हाला हवे काय ?
– आरोपींना लोणावळ्यात सरकारी इतमामात पळून जायला मदत करणारा गृहमंत्री…
– उद्योगपतींच्या घरासमोर स्फोटके ठेवायला मदत करणारा, अशा पोलिसांना सेवेत घेणारा गृहमंत्री….
– तुमची चॉईसच वेगळी आहे, त्याला महाराष्ट्र करणार तरी काय महाराष्ट्राच्या मोठ्ठ्या ताई?
