Uruli Kanchan : उरुळी कांचन, (पुणे) : टिळेकरवाडी (ता. हवेली) ग्रामपंचायतीचे विद्यमान सरपंच गोवर्धन सुरेश टिळेकर यांच्यावर सदस्यांनी दाखल केलेला अविश्वास ठराव 8 विरुद्ध 1 च्या फरकाने मंजूर झाला आहे. त्यामुळे आता गोवर्धन टिळेकर यांची सरपंचपदावरुन पायउतार झाली आहे. Uruli Kanchan
टिळेकरवाडी (ता. हवेली) ग्रामपंचायतीचे विद्यमान सरपंच गोवर्धन सुरेश टिळेकर यांच्या विरोधात सर्व 8 ग्रामपंचायत सदस्यांनी अविश्वास ठराव दाखल केला होता. त्यानुषंगाने हवेलीच्या अपर तहसीलदार तृप्ती कोलते यांच्या अध्यक्षतेखाली शुक्रवारी (ता. 15) सकाळी अकरा वाजण्याच्या सुमारास टिळेकर वाडी ग्रामपंचायत कार्यालयात विशेष सभेचे आयोजन करण्यात आले होते. Uruli Kanchan
अपर तहसीलदार तृप्ती कोलते यांनी सदस्यांची मते विश्वासात घेऊन, विश्वास ठरावावरील मतदान प्रक्रिया हात वर करून बहुमत सिद्ध करण्यात आले. या मतदानात प्रक्रियेत अविश्वास ठरावाच्या बाजूने सर्व मते पडली. त्यानंतर अपर तहसीलदार तृप्ती कोलते यांनी अविश्वास ठराव मंजूर झाल्याचे जाहीर केले. यावेळी अष्टापूरच्या मंडलाअधिकारी काळे यांनी शासकीय कामकाज पहिले. यावेळी परिसरात उरुळी कांचन पोलीस ठाण्याचे वरिष्ठ पोलीस निरीक्षक सचिन वांगडे यांच्या नेतृत्वात कडक पोलिस बंदोबस्त तैनात करण्यात आला होता. Uruli Kanchan
यावेळी माजी सरपंच गणेश निवृत्ती टिळेकर, सुभाष इंद्रभान लोणकर, उपसरपंच सुषमा सुभाषराव टिळेकर, सुशिल अशोक राऊत, वैशाली भानुदास चौरे, नंदा जगन्नाथ राऊत, कल्पना श्रीकांत टिळेकर, व प्रियंका रोहन कांबळे, यांनी अविश्वास ठरवाला मतदान केले. यावेळी पोलीस पाटील विजय टिळेकर, आदी उपस्थित होते. Uruli Kanchan
याबाबत बोलताना गोवर्धन टिळेकर म्हणाले, “माझ्या कारकिर्दीत मला गावाची सेवा करण्याची संधी मिळाली. यामध्ये गावकऱ्यांनी मोठी साथ दिली. आजतागायत जेवढी कामे झाली नाहीत तेवढी कामे मी माझ्या या कार्यकाळात केली याचा मला आनंद आहे. माझ्यावर जेवढे आरोप केले होते ते सर्व फेटाळले गेले आहेत. येथून पुढे लोकांची अशीच कामे करीत राहील.” Uruli Kanchan
