Theur News : लोणी काळभोर, (पुणे) : पुणे-सोलापूर आणि पुणे-नगर या दोन महत्त्वाच्या महामार्गांना जोडणाऱ्या थेऊरफाटा येथील उड्डाणपुलाला तब्बल ५ ते 10 फुटांचे खोल भगदाड पडले आहे. पुलाच्या काही भागांत भिंतींनाही तडे गेल्याचे निदर्शनास आल्याने प्रवाशांच्या सुरक्षिततेचा प्रश्न ऐरणीवर आला आहे. हवेली पंचायत समितीचे सभापती युवराज काकडे यांनी या ठिकाणी तातडीने पाहणी करून प्रशासनाकडे कडक पावले उचलण्याची मागणी केली आहे. Theur News
या उड्डाणपुलावरून दररोज मोठ्या प्रमाणावर अवजड वाहतूक सुरू असते. थेऊर येथील चिंतामणी गणपतीच्या दर्शनासाठी येणाऱ्या भाविकांची संख्याही मोठी आहे. पुलाला भगदाड पडल्याचे समजताच सभापती काकडे यांनी घटनास्थळी धाव घेतली आणि सुरक्षेच्या दृष्टीने तातडीने बॅरिकेड्स लावून रस्ता सुरक्षित केला. यावेळी पुलाच्या भिंतींना तडे गेल्याची गंभीर बाब समोर आल्याने पुलाच्या मजबुतीबाबत प्रश्नचिन्ह उपस्थित केले जात आहे. Theur News
विशेष म्हणजे या उड्डाणपुलाखाली रेल्वे लाईन आहे. जर पुलाच्या स्ट्रक्चरमध्ये बिघाड होऊन काही अघटित घडले, तर मोठी जीवितहानी होण्याची शक्यता नाकारता येत नाही. “भविष्यात कोणतीही मोठी दुर्घटना झाल्यास त्यास सार्वजनिक बांधकाम विभाग सर्वस्वी जबाबदार असेल,” असा इशारा यावेळी उपस्थित असलेल्या स्थानिक नागरिकांनी दिला आहे. Theur News
दरम्यान, सभापती युवराज काकडे यांनी अधिकाऱ्यांना फोनवरून संपर्क साधून सार्वजनिक बांधकाम विभाग आणि विशेष रस्ते प्रकल्प विभागाने तात्काळ पुलाचे स्ट्रक्चरल ऑडिट करावे. भगदाड पडलेल्या ठिकाणी आणि भिंतींच्या तड्यांची तातडीने डागडुजी करावी. तसेच कोणतीही दुर्घटना होण्यापूर्वी उपाययोजना करण्याच्या सूचना दिल्या आहेत. Theur News
