पुणे: राज्यात गेल्या काही दिवसांपासून तापमानामध्ये चढ-उतार सुरू असताना, आता पुन्हा एकदा थंडीचा जोर वाढू लागला आहे. विदर्भ आणि उत्तर महाराष्ट्रातील अनेक जिल्ह्यांमध्ये सकाळची थंडी तीव्र होत आहे, तर काही ठिकाणी तापमान एक अंकी स्तराकडे झुकताना दिसत आहे. आज हवामान कोरडे आणि स्थिर राहील. (Pune Weather Alert)
कोकण किनारपट्टी आणि मुंबई विभागाचा अंदाज
मुंबईसह कोकण किनारपट्टीच्या भागात थंडीचा जोर वाढला आहे. मुंबईत आज सकाळी हलकी थंडी जाणवेल. किमान तापमान 11°C च्या आसपास, तर दिवसा 30-31°C राहण्याची शक्यता आहे. आकाश मुख्यत्वे स्वच्छ राहील.
पालघरमध्ये थंडी मुंबईपेक्षा जास्त असून तापमान 16-18°C पर्यंत खाली जाईल. रायगड, रत्नागिरी, सिंधुदुर्ग या विभागात थंडी स्थिर असून किमान तापमान 17-19°C दरम्यान राहील. दिवसा तापमान 30-32°C पर्यंत जाईल. आकाश साफ, वारा हलका गार आणि संध्याकाळी पुन्हा गारवा जाणवेल.
ठाणे, नवी मुंबई, कल्याण परिसरातील हवामान
ठाणे, नवी मुंबई आणि कल्याण या भागात हवामान स्थिर असून सकाळी हलका गारवा असेल. ठाणे आणि नवी मुंबईत किमान तापमान 18-19°C, तर दिवसा 30-32°C राहील.
पुणे आणि पश्चिम महाराष्ट्राचा अंदाज
पुणे-बारामती या भागांमध्ये सुद्धा हवामान कोरडं असेल.पुण्यात सध्या थंडीचा जोर तुलनेने कमी आहे. सकाळचे तापमान 15-17°C च्या आसपास असून दिवसा 29-31°C राहील.
दिवसभर वातावरण सामान्य आणि स्थिर असेल. दुपार थोडी उबदारपणा जाणवू शकतो. मागील दोन दिवसांत तापमानात मोठा बदल झालेला नाही. तथापि, काही अहवालानुसार पुढील दिवसांत पुणे आणि घाटमाथा परिसरात थंडीची लाट येण्याची शक्यता असून यलो अलर्ट जारी करण्यात आला आहे, ज्यामुळे किमान तापमान 12°C पर्यंत खाली येऊ शकते.
एकंदरीत, पुढील काही दिवस महाराष्ट्रातील हवामान स्थीर व कोरडे राहील, परंतु उत्तर व मध्य महाराष्ट्रात थंडीचा जोर वाढण्याची शक्यता आहे.
