पुणे : सप्टेंबर महिन्यात बँकेशी संबंधित महत्त्वाची कामे असतील, तर सुट्ट्यांची यादी आधीच तपासून घेणे ग्राहकांना फायदेशीर ठरणार आहे.भारतीय रिझर्व्ह बँकेच्या कॅलेंडरनुसार, या महिन्यात विविध सण, उत्सव आणि स्थानिक कारणांमुळे देशातील वेगवेगळ्या राज्यांमध्ये बँकांना अनेक दिवस सुट्टी असणार आहे.
बँकेच्या शाखेची कामे जसे की रोख रक्कम जमा करणे किंवा चेक क्लिअरन्स यांसाठी वेळेचे नियोजन करणे गरजेचे आहे. परंतु, बँक शाखा बंद असतानाही खातेदारांना डिजिटल सेवांचा वापर करता येईल. ATM, UPI (Google Pay, PhonePe, Paytm, BHIM), NEFT आणि IMPS द्वारे होणारे ऑनलाईन व्यवहार नेहमीप्रमाणे सुरू राहतील.
सप्टेंबर महिन्यातील बँक सुट्ट्यांचे नियोजन:
4 सप्टेंबर: श्रीकृष्ण जन्माष्टमीनिमित्त अनेक राज्यांत सुट्टी.
11 सप्टेंबर: जयपूर महानगरपालिका निवडणुकीमुळे स्थानिक भागात बँका बंद.
12 सप्टेंबर: श्रीमंत शंकरदेव तिरुभाव तिथीमुळे आसाममध्ये सुट्टी.
14 सप्टेंबर: गणेश चतुर्थीचा मुख्य सण असल्याने महाराष्ट्रासह इतर राज्यांत सुट्टी.
15 सप्टेंबर: संवत्सरी, नुआखाई आणि गणेश चतुर्थीच्या दुसऱ्या दिवशी काही राज्यांत बँका बंद.
21 सप्टेंबर: श्रीमंत शंकरदेव जन्मोत्सव व श्री नारायण गुरू समाधी दिनानिमित्त आसाम आणि केरळमध्ये सुट्टी.
22 सप्टेंबर: कर्मा पूजेच्या निमित्ताने झारखंडमध्ये सुट्टी.
23 सप्टेंबर: महाराजा हरिसिंग जयंतीनिमित्त जम्मू-काश्मीरमध्ये बँका बंद.
25 सप्टेंबर: इंद्रजात्रा उत्सवामुळे सिक्कीममध्ये सुट्टी.
सर्व राज्यांमध्ये सुट्ट्या एकाच दिवशी नसतात. स्थानिक सण आणि राज्य सरकारच्या नियमांनुसार या तारखा बदलतात. याशिवाय महिन्याचा दुसरा व चौथा शनिवार आणि सर्व रविवारी बँका नियमित बंद राहतील. त्यामुळे शाखेत जाण्यापूर्वी आपल्या भागातील सुट्ट्यांची खात्री करूनच घराबाहेर पडा.
