Pune News : पुणे : सोशल मीडियावर आक्षेपार्ह छायाचित्रे प्रसारित करण्याची धमकी देत, महिलेच्या शीतपेयात गुंगीचे ओैषध मिसळून, तिच्यावर बलात्कार केल्याची धक्कादायक घटना कोथरूड परिसरात उघडकीस आली आहे. या प्रकरणी कोथरुड पोलिसांनी एकाला अटक केली.
कोथरूडमधील प्रकार; एकाला अटक
मिळालेल्या माहितीनुसार, सचिन यशवंत शिंदे (वय ४३, रा. एनडीए रस्ता) असे अटक करण्यात आलेल्या व्यक्तीचे नाव आहे. (Pune News) याबाबत महिलेने कोथरुड पोलीस ठाण्यात दिलेल्या फिर्यादीवरून एकावर गुन्हा दाखल करण्यात आला आहे.
पोलिसांनी दिलेल्या माहितीनुसार, पीडित महिला आणि आरोपी सचिन शिंदे हे दोघेही एकमेकांना परिचित आहेत. या ओळखीचा गैरफायदा घेत शिंदे याने महिलेला वारजे भागात भेटण्यासाठी बोलावले होते. तेथे महिलेला शीतपेयातून गुंगीचे ओैषध दिले. (Pune News) त्यानंतर महिलेला चक्कर आली. चक्कर येऊन पडल्यानंतर शिंदे याने तिची आक्षेपार्ह छायाचित्रे मोबाइलवर काढली. ही छायाचित्रे सोशल मीडियावर प्रसारित करण्याची धमकी देऊन, त्याने पीडित महिलेला धमकावण्यास सुरुवात केली. तिच्यावर बलात्कार केला. तसेच जातीवाचक शिवीगाळ केली.
दरम्यान, महिलेने याबाबत तक्रार दिल्यानंतर बलात्कार, तसेच जातीवाचक शिवीगाळ केल्याप्रकरणी शिंदेला अटक करण्यात आली. या प्रकरारणाचा अधिक तपास सहायक पोलीस आयुक्त भीमराव टेळे करत आहेत.
अधिक बातम्या वाचण्यासाठी येथे क्लिक करा :
