पुणे: पुण्यात वेळोवेळी मारहाण (Pune News) आणि शिवीगाळ करतानाचे (Baburao Chandere) व्हिडिओ समोर येत असलेल्या राष्ट्रवादी काँग्रेस (Rashtrawadi NCP) अजित पवार गटाचे बाबुराव चांदेरे पुन्हा (Ajit Pawar)एकदा चर्चेत आले आहेत. रस्ता आणि पाईप लाईनचे काम कायदेशीर परवानगी घेऊन करावे, असे सांगितल्यामुळे चांदेरे यांनी शिवीगाळ करून धक्काबुक्की केल्याचा आरोप झाला असून हा व्हिडिओ सोशल मीडियावर व्हायरल झाला आहे. याबाबत राष्ट्रवादी काँग्रेस शरद पवार गटाचे कोथरुड मतदारसंघाचे कार्याध्यक्ष जयेश मुरकुटे यांनी बाणेर पोलीस ठाण्यात फिर्याद दिली आहे. तक्रारीवरून चांदेरे, समीर चांदेरे, सिद्ध कलशेट्टी आणि एका अनोळखी व्यक्तीवर अदखलपात्र गुन्हा नोंदवला आहे. (Breaking News)
धमकी देण्याच्या घटना अनेकदा व्हायरल
या प्रकरणी विचारले असता बाबुराव चांदेरे यांनी आपण संबंधित व्यक्तीच्या वडिलांना विचारूनच काम सुरू केले असल्याचा दावा केला. नकारात्मक गोष्टींना महत्त्व देणार नसल्याचेही त्यांनी सांगितले. मात्र, चांदेरे यांच्याविरोधात अशा प्रकारचे आरोप हे प्रथमच समोर आलेले नाहीत. याआधीही त्यांच्या मारहाण आणि धमकी देण्याच्या घटना अनेकदा व्हायरल झाल्या आहेत. (Marathi News)
हेही वाचा : पुण्यातील धक्कादायक प्रकार! ‘तो नपुंसक आहे हे जर कोणाला सांगितलं तर…’ नववधूचा सासरच्यांकडून छळ
शेतकऱ्यांना धमकावल्याचा आरोप
जानेवारी 2024 मध्ये त्यांनी एका बांधकाम व्यावसायिकाला ड्रेनेज लाईनच्या वादातून मारहाण केली होती. त्या प्रकरणात व्हिडिओ समोर आल्यानंतर पिंपरी चिंचवड पोलिसांनी त्यांच्या विरोधात गुन्हा दाखल केला होता. त्यानंतर फेब्रुवारी 2024 मध्येही जमीन वादातून बावधन सूस परिसरातील शेतकऱ्यांना धमकावल्याचा आरोप झाला होता.
रिक्षा चालकाला मारहाण
2024 मध्येच पुण्यातील बालेवाडी क्रीडा संकुलात झालेल्या कबड्डी स्पर्धेत पंचावर हात उगारल्याची घटना घडली होती. जुलै 2023 मध्येही चांदेरे यांनी एका रिक्षा चालकाला मारहाण केल्याचा आरोप झाला होता. अजित पवार यांचे निकटवर्तीय म्हणून ओळख असलेल्या बाबुराव चांदेरे यांनी राष्ट्रवादीकडून तीन टर्म नगरसेवक आणि स्थायी समितीचे चेअरमन पद भूषवले आहे. पुण्यातील अजित पवारांच्या कार्यक्रमांमध्ये त्यांची उपस्थिती कायम दिसून येते.
