Pune News: पुण्यातील ठिकठिकाणी बिबट्याचा (Leopard) वावर वाढत चालले असताना याच पार्श्वभूमीवर औंधमधील सिंध कॉलनी परिसरात रविवारी पहाटे नागरिकांना बिबट्या दिसला होता. बिबट्यांच्या दहशतीमुळे एकच खळबळ उडाली होती. घटनेची माहिती तात्काळ पोलिसांना आणि वन विभागाच्या अधिकाऱ्यांना देण्यात आले. सीसीटीव्हीमध्ये सोसायटीच्या आवारात बिबट्या फिरत असताना कैद झाला.
हेही वाचा- Ranjangaon News: बिबट्याच्या हल्ल्यामुळे शाळांच्या वेळेत बदल; जाणून घ्या सविस्तर माहिती
मिळालेल्या माहितीनुसार, सिंद कॉलनीत पहाटे ४ वाजण्याच्या सुमारास बिबट्या दिसल्याने पुणे वन विभाग आणि आरईएसक्यू सीटी पथक घटनास्थळी दाखल झाले आणि त्यांनी तातडीने मदत करण्यास सुरुवात केली. दोन्ही पथके घटनास्थळी सक्रियपणे बिबट्याचा शोध घेत आहेत. त्यामुळे परिसरात गस्त वाढवण्यात आली आहे. कोणत्याही संशयास्पद हालचाली किंवा बिबट्याशी संबंधित माहिती आढळल्यास त्वरित १९२६ या हेल्पलाइन क्रमांकावर कळवावी अशी विनंती वन विभागाने केली.
नागरिकांना सावधगिरी बाळगण्याचा आणि घरातून एकटे बाहेर पडू नका, असा सल्ला वनअधिकाऱ्यांनी दिला. पथकाकडून रात्री उशिरापर्यंत शोध मोहित सुरु होती. मागील अनेक दिवसांपासून बिबट्याच्या दहशतीच्या तक्रारी वन विभागाकडे नोंदवल्या गेल्या आहेत. सिंध कॉलनीत सुध्या बिबट्याचा वावर दिसल्याने परिसरात नागरिकांमध्ये घबराट पसरली.
काही दिवसांपूर्वींच हिंजवडी भागात एका सोसायटी जवळ बिबट्या फिरत असताना दिसला. या घटनेचा व्हिडिओ सोशल मीडियावर व्हायरल होत होता. त्यानंतर पुन्हा पुण्यातील विमानतळ परिसरात पुन्हा बिबट्या दिसला होता. त्यामुळे परिसरात घबराट निर्माण झाली होती.
