पुणे : लग्नाचे आमिष दाखवून तरुणीला (Pune Crime) फसवून तिच्याशी जबरदस्तीने शारीरिक संबंध ठेवणे, तिचे (Pune News) नकळत फोटो-व्हिडिओ काढणे आणि ते व्हायरल करण्याची धमकी देऊन खंडणी उकळण्याचा धक्कादायक प्रकार वाघोली येथे उघड झाला आहे. 31 वर्षीय तरुणीने वाघोली पोलिस ठाण्यात दिलेल्या फिर्यादीनुसार आरोपी वीरसेन धीरजकुमार रणशुंगारे (वय 33, रा. बुधवार पेठ, मिलिंदनगर, सोलापूर) याच्यावर गुन्हा दाखल करण्यात आला आहे. हा प्रकार 13 ऑगस्ट 2023 ते 9 डिसेंबर 2025 या काळात घडला आहे. (Breaking News)
इच्छेविरुद्ध शारीरिक संबंध
पोलिसांच्या माहितीनुसार, आरोपीने तरुणीला लग्नाचे आश्वासन देत तिच्याशी वेळोवेळी तिच्या इच्छेविरुद्ध शारीरिक संबंध ठेवले. या संबंधांचे फोटो आणि व्हिडिओ त्याने नकळत रेकॉर्ड केले. नंतर हेच फोटो-व्हिडिओ नातेवाईक आणि मित्रांना पाठवून बदनामी करेल, अशी धमकी देत त्याने तरुणीकडून आतापर्यंत 1 लाख 22 हजार रुपये घेतले. मात्र आरोपी इथेच थांबला नाही. (Marathi News)
हेही वाचा : तळेगाव दाभाडे-उरूळीकांचन प्रस्तावित रेल्वे मार्ग रद्द होणार? शेतकऱ्यांच्या विरोधानंतर आता लोकसभेत मागणी
नाहीतर सर्व व्हिडिओ व्हायरल करीन…
रणशुंगारे यांनी हेच व्हिडिओ आणि फोटो तरुणीच्या बहिणीला आणि तिच्या पतीला दाखवून त्यांच्याकडे आणखी 10 लाख रुपये खंडणीची मागणी केली. “हे पैसे दिले तर विषय संपवतो, नाहीतर सर्व व्हिडिओ व्हायरल करीन,” अशी धमकी त्याने दिल्याचे फिर्यादीने सांगितले. या ब्लॅकमेलिंगमुळे त्रस्त होऊन तरुणीने अखेर पोलिसांकडे धाव घेतली.
फिर्यादीनंतर पोलिसांनी आरोपीविरोधात गुन्हा नोंदवला. त्याला अटक करण्यासाठी पोलिसांचे पथक गेले असता, तो आजारी असून रुग्णालयात उपचार घेत असल्याची माहिती मिळाली. पुढील तपास पोलीस उपनिरीक्षक मनोज बागल करत आहेत.
