Pune Crime: पुण्यात (Pune) दिवसेंदिवस गुन्हेगारीचे प्रमाण वाढत चाललं आहे अशातच एका चुलत (Cousin Brother) भावाची हत्या (Murder) केल्याची धक्कादायक घटना उघडकीस आली आहे. ही घटना कात्रज गुजरवाडीमध्ये घडली आहे. या घटनेने संपुर्ण परिसर हादरले आहे. (Pune Crime)
मिळालेल्या माहितीनुसार, कात्रज येथील गुजवाडी परिसरात एका तरुणाची हत्या करण्यात आली. जुन्या वैमन्यसातून ही हत्या करण्यात आल्याचे समोर आले. गुजरवाडीतील निंबाळकरवाडीत एका निर्जन ठिकाणी पोत्यात भरलेला एक मृतदेह आढळून आला होता. मृतदेह आढळून आल्याने ही घटना उघडकीस आली. पोलिसांनी मृतदेह ताब्यात घेतल्यानंतर हत्या झाल्याचे प्राथमिक तपासात दिसून आले.
पोलिसांनी तांत्रिक तपास सुरु करत आरोपीचा शोध घेण्याचा प्रयत्न केला. अखेर पोलिसांनी पिंपरी – चिंचवड येथून आरोपीला अटक केले. आरोपी अशोक पंडित अशी त्याची ओळख समोर आली. सध्या या प्रकरणी पोलिसांकडे सखोल चौकशी सुरु आहे.अजय पंडीत असं मृत तरुणाचे नाव होते. अशोकने जुन्या कौटुंबिक वादातून अजयची हत्या केली. पोलिसांनी या प्रकरणी आरोपीवर गुन्हा दाखल केला असून पुढील तपास सुरु केला आहे. या घटनेने पंडित यांच्या कुटुंबावर दुखाचा डोंगर कोसळला आहे. दोघे ही भाऊ झारखंड येथील रहिवासी होते.
