Pune Bailgada Sharyat Accident : शिक्रापूर, (पुणे) : शिक्रापूर परिसरातील करंदी (ता. शिरूर) येथे आयोजित करण्यात आलेल्या बैलगाडा शर्यतीदरम्यान एक दुर्दैवी घटना घडली. बैल पकडण्याच्या प्रयत्नात एका तरुणाचा बैलाच्या जोरदार धडकेत मृत्यू झाला. प्रकाश महादू फटांगडे (वय-35, रा. कान्हूर मेसाई, ता. शिरूर) असे मृत व्यक्तीचे नाव आहे. Pune Bailgada Sharyat Accident
करंदी येथे ‘करंदी केसरी 2026’ या नावाने गुरुवारी (ता. 30) बैलगाडा शर्यतीचे आयोजन करण्यात आले होते. शर्यत सुरू असताना कान्हूर मेसाई येथील दादाभाऊ पुंडे यांचा बैलगाडा अचानक अनियंत्रित झाला. यावेळी धावणारे बैल थांबवण्यासाठी प्रकाश फटांगडे पुढे सरसावले. मात्र, बैलाने दिलेल्या जोरदार धडकेत ते गंभीर जखमी होऊन खाली कोसळले. Pune Bailgada Sharyat Accident
घटनास्थळी उपस्थित नागरिकांनी तत्काळ त्यांना जवळच्या रुग्णालयात हलवले. मात्र, उपचार सुरू होण्यापूर्वीच डॉक्टरांनी त्यांना मृत घोषित केले. याबाबत त्यांच्या भावाने, गोरक्ष महादू फटांगडे यांनी शिक्रापूर पोलीस ठाण्यात खबर दिली असून पोलिसांनी आकस्मात मृत्यूची नोंद करून तपास सुरू केला आहे. Pune Bailgada Sharyat Accident
दरम्यान, ही शर्यत ग्रामपंचायत निवडणुकीच्या पार्श्वभूमीवर आयोजित करण्यात आल्याचा आरोप नातेवाईकांनी केला आहे. स्पर्धेच्या ठिकाणी रुग्णवाहिका, वैद्यकीय पथक किंवा पोलिस बंदोबस्त नसल्यामुळेच हा जीव गेला, असा संताप कुटुंबीयांनी व्यक्त केला आहे. Pune Bailgada Sharyat Accident
या प्रकरणाची सखोल चौकशी करून आयोजकांवर जबाबदारी निश्चित करण्याबाबत निर्णय घेतला जाईल, अशी माहिती पोलिस निरीक्षक दीपरतन गायकवाड यांनी दिली. तसेच, संबंधितांविरुद्ध गुन्हा दाखल करण्याची मागणीही नातेवाईकांकडून करण्यात येत आहे. Pune Bailgada Sharyat Accident
