उरुळी कांचन : उरुळी कांचन–जेजुरी राज्य मार्गावरील शिंदवणे घाटात चालत्या ट्रकला पाठीमागून ओम्नी कारने जोरदार धडक दिल्याची घटना मंगळवारी (ता. 03) दुपारी पावणेतीन वाजण्याच्या सुमारास घडली. या अपघातात ओम्नीमधील तिघेजण गंभीर जखमी झाल्याची प्राथमिक माहिती आहे.
अपघाताची माहिती मिळताच कदम रुग्णवाहिकेचे वैभव कदम तसेच कस्तुरी रुग्णवाहिकेचे माऊली लाड आणि संतोष झोंबरे यांनी घटनास्थळी धाव घेतली. जखमींना तातडीने उरुळी कांचन येथील सिद्धिविनायक रुग्णालयात उपचारासाठी दाखल करण्यात आले.
दरम्यान, अपघाताची माहिती मिळताच उरुळी कांचन पोलिसांनी घटनास्थळी धाव घेतली. अपघातामुळे घाटात वाहतुकीचा खोळंबा झाला असून, वाहतूक सुरळीत करण्याचे काम पोलिसांकडून सुरू आहे. अपघाताचे नेमके कारण आणि जखमींची ओळख अद्याप समजू शकलेली नाही.
सविस्तर वृत्त थोड्याच वेळात
