दौंड : भांडगाव (ता. दौंड) येथील शेतकारी सीताराम शेळके यांचा १३ वर्षाचा मुलगा वैभव याला अस्थिव्यंगामुळे चालता येत नव्हते. त्यांच्या कुटुंबीयांनी दौंडचे आमदार अ़ॅड. राहुल कुल यांच्याशी संपर्क साधला व मदतीची विनंती केली होती.
त्यानुसार राहुल कुल यांच्या प्रयत्नांतून पुण्यातील एका नामांकित रुग्णालयामध्ये वैभवची ४ लाख रुपये खर्चाची शस्त्रक्रिया संपूर्णपणे मोफत करण्यात आली.
या योगदानाबद्दल शेळके कुटुंबीयांनी आमदार कुल यांचे आभार मानले. उपचारानंतर वैभव पहिल्यांदा त्याचा पायावर उभा राहिला. नुकतीच वैभवची भेट आमदार कुल यांच्या पत्नी भाजपच्या महिला जिल्हाध्यक्षा कांचन कुल यांनी घेतली व त्याच्या तब्बेतीची विचारपूस केली.
दरम्यान, वैभव त्याच्या पायावर उभा पाहताना त्याच्या आईचा आनंद अवर्णनीय होता वैभव लवकर पूर्णपणे बरा व्हावा व त्याला उत्तम आरोग्य लाभावे अशा सदिच्छा कुल यांनी यावेळी दिल्या.
