Loni Kalbhor Accident News लोणी काळभोर, (पुणे) : पुणे – सोलापूर राष्ट्रीय महामार्गावर कदमवाकवस्ती ग्रामपंचायत हद्दीतील काळे पेट्रोल पंपाशेजारी तीन वाहनांचा विचित्र अपघात शुक्रवारी (ता. २८) सायंकाळी पाच वाजण्याच्या सुमारास झाला आहे. या अपघातात कोणतीही जीवितहानी झाली नसली तरी दोन गाड्यांचे मोठ्या प्रमाणात नुकसान झाले.
मिळालेल्या माहितीनुसार…!
पुणे – सोलापूर राष्ट्रीय महामार्गावर पुण्याकडे तिन्ही वाहने चालले होती. यावेळी बसच्या समोर निघालेल्या चारचाकी गाडी चालकाने अचानक डाव्या बाजूचा सिग्नल दिला. त्यामुळे त्याच्या पाठीमागे असणाऱ्या बस चालकाने ब्रेक मारला. त्याचवेळी पाठीमागे असलेली चारचाकी गाडी ही बसला जोरदार धडकली.
पाठीमागुन धडकलेल्या चारचाकीतील एकाच्या डोक्याला थोडीशी दुखापत झाली असून सदर चारचाकीचे मोठ्या प्रमाणात नुकसान झाले. यावेळी सदर बसचालकाला मारहाण करण्यात आल्याची चर्चा उपस्थित असलेले नागरिक करीत असून बघ्यांनी मोठी गर्दी केली होती.
दरम्यान, सदर ठिकाणी लोणी काळभोर पोलीस दाखल झाले असून पुढील तपास सुरु आहे.
अधिक बातम्या वाचण्यासाठी येथे क्लिक करा….!
Loni Kalbhor Crime : कदमवाकवस्ती येथील महिलेचा खून करून मृतदेह फेकला मांजरीतील विहरीत..
Loni kalbhor News : लोणी काळभोर येथील संगीता काळभोर यांचे अल्पशा आजाराने निधन..!
