पुणे : पत्रकारिता क्षेत्रात उत्कृष्ठ कामगिरी केल्याबद्दल पत्रकार प्रतिक गंगणे यांना ‘भारतरत्न सरदार वल्लभभाई पटेल राष्ट्ररत्न’ पुरस्कार देऊन नुकतेच सन्मानित करण्यात आले.
पुणे येथील डॉ. बाबासाहेब आंबेडकर सांस्कृतिक भवनात एका कार्यक्रमाचे आयोजन करण्यात आले होते. यावेळी पत्रकार प्रतिक गंगणे यांना सन्मानचिन्ह व प्रमाणपत्र देण्यात आला. यावेळी जिल्ह्यातील अधिकारी, पोलीस, पत्रकार, समाजसेवक आदी मान्यवर उपस्थित होते.
या पुरस्कार सोहळ्यात महाराष्ट्रातून एकूण ४० लोकांना पुरस्कार देण्यात आला. या पुरस्कारांचे आयोजन मणिभाई मानव सेवा ट्रस्टच्या वतीने करण्यात आले होते.
प्रतिक गंगणे यांनी पत्रकारितेच्या माध्यमातून गेली अनेक वर्ष पुणे जिल्ह्यात व राज्यात अनेक सामाजिक कार्य केले आहेत. त्यांना सामाजिक, शैक्षणिक, सांस्कृतिक क्षेत्रातील कार्याबद्दल आजपर्यंत अनेक पुरस्कार प्राप्त झालेले आहेत. त्यामध्ये राज्यस्तरीय ‘सत्यशोधक दिनकरराव जवळकर आदर्श पत्रकारिता’ पुरस्काराचाही समावेश आहे.
दरम्यान, प्रतिक गंगणे यांना ‘भारतरत्न सरदार वल्लभभाई पटेल राष्ट्ररत्न’ पुरस्कार मिळाल्याने त्यांना विविध संस्थां व पत्रकारांकडून कौतुकांचा वर्षाव होत आहे.
