मुंबई : बॉलिवूड किंगखान म्हणजे अभिनेता शाहरुख खान प्रमाणेच त्याचा ‘मन्नत’ हा आलिशान बंगला देखील नेहमीच चर्चेत असतो.
सध्या मन्नत पुन्हा एकदा चर्चेत आला आहे, कारण या आलिशान बंगल्याचा लुक शाहरुख खानची बायको गौरी खानने बदलून टाकला आहे. चाहत्यांनी हा नवीन लुक पाहण्यासाठी गर्दी केली आहे.
गौरीने त्यांच्या ‘मन्नत’ बंगल्याची नेमप्लेट बदलली आहे. आता शाहरुखच्या घराचा हा नवा लूक सोशल मीडियावर चांगलाच चर्चेत आला आहे.या वर्षाच्या सुरुवातीपासून ही नेमप्लेट दिसेनाशी झाली होती. अर्थात गेट दुरुस्तीचे काम सुरु असल्याने ही नेमप्लेट काढण्यात आली होती.
‘मन्नत’ची नेमप्लेट पुन्हा कधी दिसणार? हा प्रश्न सगळ्याच चाहत्यांना पडला होता. मात्र, आता एका नव्या आणि सुंदर लूकमध्ये ही नेमप्लेट चाहत्यांसमोर सदर करण्यात आली आहे.
एलईडी लाईट्सनी चमचमणारी ही नवी नेमप्लेट पाहून सर्वांचेच डोळे दिपले आहेत. चाहत्यांनी याला ‘डायमंड नेमप्लेट’ म्हणायला सुरुवात केली आहे. केवळ नेमप्लेटचं नव्हे तर, ‘मन्नत’चा गेट देखील बदलण्यात आला आहे. एकूणच ‘मन्नत’च्या या लूकमधील बदल चाहत्यांच्या मनाला भावले आहेत.
मुंबईत फिरायला येणाऱ्या किंवा मुंबईत राहणाऱ्या अनेकांना वांद्रे येथील शाहरूख खानच्या ‘मन्नत’ या अलिशान बंगल्याच्या बाहेर उभं राहून फोटो काढायचा असतो. आता या फोटोंमध्ये शाहरुखच्या घराची झलक नवीन नेमप्लेटमुळे अगदी ठळकपणे दिसेल.
