पुणे : चांगली नोकरी मिळावी, यासाठी अनेकांचा प्रयत्न असतो. त्यात काहींना यश मिळते तर काहींना प्रतिक्षाच करावी लागते. पण तुम्ही देखील नोकरीच्या शोधात आहात? तर तुमचा हा शोध आता संपण्याची शक्यता आहे. कारण, नागपूर येथील कृषी विभागात रिक्त पदांवर भरती केली जात आहे. त्यानुसार, पात्र असणाऱ्या उमेदवारांकडून अर्ज मागविण्यात येत आहे.
नागपूरच्या कृषी विभागात सूक्ष्मनियोजन समन्वयक या पदासाठी भरती प्रक्रिया सुरु होत आहे. यासाठी मुलाखत घेतली जाणार आहे. यामध्ये निवड झालेल्या उमेदवाराला नागपूर येथे जाऊन नोकरी करावी लागणार आहे. या प्रक्रियेंतर्गत चार रिक्त पदे भरली जाणार आहेत. संबंधित उमेदवाराची निवड ही मुलाखतीच्या माध्यमातून केली जाणार आहे. सदर मुलाखत ही 20 मार्च 2025 रोजी घेतली जाणार आहे. यामध्ये निवड झालेल्या उमेदवाराला 30000 रुपयांपर्यंत पगारही मिळणार आहे.
या भरती प्रक्रियेंतर्गत ऑफलाईन पद्धतीने अर्ज करता येणार आहे. त्यासाठी जिल्हा अधिक्षक कृषि अधिकारी, नागपूर कदिमबाग नर्सरी, सिव्हिल लाईन, नागपूर-440001 येथे अर्ज पाठवावा लागणार आहे. याच ठिकाणी संबंधित उमेदवाराची मुलाखत घेतली जाणार आहे. या भरती प्रक्रियेबाबत अधिक माहितीसाठी
http://krishi.maharashtra.gov.in/ अधिकृत वेबसाईटवरून माहिती घेता येणार आहे.
