जनार्दन दांडगे
उरुळी कांचन, (पुणे) : उरुळी कांचन ग्रामस्वच्छता अभियान ग्रुपचे मागील वर्षातील कार्य हे गावच्या विकासाला वेगळी दिशा देणारे आहे. ग्रुपने फक्त रक्तदान शिबिराचे आयोजन न करता समाजातील नागरिकांसाठी आरोग्य तपासणी शिबिराचेही आयोजन करावे असे प्रतिपादन महात्मा गांधी सर्वोदय संघाचे उपाध्यक्ष प्रा. के. डी. कांचन यांनी केले.
उरुळी कांचन (ता. हवेली) येथील ‘ड्रीम्स युवा सोशल फाऊंडेशन’ संचलित उरुळी कांचन ग्रामस्वच्छता अभियान ग्रुपच्या ८ व्या वर्धापन दिन साजरा करण्यात आला. या दिनानिमित्त रविवारी (ता. ०१) लोणी काळभोर येथील विश्वराज हॉस्पिटलच्या दर्पण व ससून ब्लड बँकेची रक्तपेढी यांच्या संयुक्त विद्यमाने उरुळी कांचन (ता. हवेली) ग्रामपंचायत हद्दीतील बी.जी. शिर्के बाल विकास मंदिर या ठिकाणी रक्तदान शिबिराचे आयोजन करण्यात आले होते. यावेळी उदघाटक म्हणुन प्रा. के. डी कांचन बोलत होते.
यावेळी माजी जिल्हा परिषद सदस्य महादेव कांचन, उरुळी कांचनचे सरपंच राजेंद्र बबन कांचन, माजी सरपंच संतोष कांचन, पुणे जिल्हा नियोजन समिती सदस्य संतोष कांचन, माजी उपसभापती हेमलता बडेकर, उपसरपंच अनिता तुपे, माजी उपसरपंच संचिता कांचन, पुणे प्राईम न्यूजच्या संचालिका ऍड. आकांक्षा दांडगे, राजाराम कांचन, ग्रामपंचायत सदस्य सुनील तांबे, सीमा कांचन, मणिभाई पतसंस्थेचे अध्यक्ष राजेंद्र कांचन, सहकोषाध्यक्ष श्रीकांत कांचन, महात्मा गांधी महाविद्यालयाचे प्राचार्य भारत भोसले, आदित्य कांचन, अलंकार कांचन, भाऊसाहेब तुपे, उरुळी कांचन ग्रामस्वच्छता अभियान ग्रुपचे संतोष चौधरी, शांताराम चौधरी, किरण वांजे, शैलेश गायकवाड, शैलेश बाबर, शिवाजी नवगिरे, रमेश महाडिक, सोमनाथ बगाडे आदि मान्यवरांसह पदाधिकारी व कार्यकर्ते मोठ्या प्रमाणात उपस्थित होते.
माजी जिल्हा परिषद सदस्य महादेव कांचन म्हणाले, “पंतप्रधान नरेंद्र मोदी यांनी सुरू केलेले स्वच्छ भारत अभियानाला उरुळी कांचन ग्रामस्वच्छता अभियान ग्रुपने चांगला प्रतिसाद दिला आहे. आपला व्यवसाय सांभाळून रविवारी न चुकता उरुळी कांचनसह परिसरातील गावांची सेवा मागील ८ वर्षापासून करत आहेत. तसेच हा ग्रुप नेहमी सामाजिक उपक्रमांमध्ये अग्रेसर असून या ग्रुपचे कार्य हे कौतुकास्पद आहे.”
दरम्यान, मागील आठ वर्षापासून हा ग्रुप उरुळी कांचनसह परिसरात संतोष चौधरी यांच्या नेतृत्वाखाली सर्व सहकाऱ्यांच्या सहभागाने ग्राम स्वच्छता अभियान, रक्तदान शिबीर, हजारो झाडे लावून संवर्धन करण्याचे काम पर्यावरणाचा ऱ्हास थांबविण्याचे कार्य जोमाने करीत आहे. संत तुकाराम महाराज पालखी सोहळ्यादरम्यान संपूर्ण परिसर व पालखी मार्ग स्वच्छता मोहीम राबवून एक वेगळा आदर्श निर्माण केला आहे.
सामाजिक बांधिलकी म्हणून कोरोनाच्या काळात मार्च २०२० ते मे २०२१ बी. जे. मेडिकल कॉलेज व ससून सर्वोपचार रुग्णालय आणि ग्रूपच्या वतीने चार वेळा रक्तदान शिबीराचे आयोजन करुन सुमारे ८७७ रक्त पिशवीचे संकलन करून आरोग्यक्षेत्रात मोठे योगदान दिले आहे. उरुळी कांचन ग्रामस्थांनी रक्तदान शिबिरास उस्फूर्त प्रतिसाद दिला. प्रत्येक रक्तदात्यास झाड आणि प्रशस्तिपत्रक देण्यात आले.
