TV News : मुंबई : ‘बिग बॉस’ हा रिअॅलिटी शो घराघरात पोहोचला आहे. त्याचा चाहता वर्गही मोठा आहे. हाच बिग बॉस शो नेहमी कोणत्या ना कोणत्या कारणाने चर्चेत राहिलेला आहे. मात्र, तरीही त्याची लोकप्रियता कमी झालेली नाही. आता लवकरच ‘बिग बॉस 17’ येत आहे. त्याची तारीखही ठरली आहे.
लवकरच ‘बिग बॉस 17’
छोट्या पडद्यावरील लोकप्रिय शो ‘बिग बॅास’चा 17 वा सीझन लवकरच प्रेक्षकांच्या भेटीस येणार आहे. ‘बिग बॉस ओटीटी’नंतर आता ‘बिग बॉस 17’ प्रेक्षकांच्या भेटीसाठी सज्ज आहे. ‘बिग बॉस 17’चा धमाकेदार प्रोमो आऊट झाला असून, तो प्रेक्षकांच्या पसंतीस उतरला आहे. ‘बिग बॉस 17’मध्ये प्रेक्षकांना अनेक ट्विस्ट पाहायला मिळणार आहेत. बिग बॉसच्या या 17 व्या सीजनमध्ये अभिनेता सलमान खान सूत्रसंचालन करणार आहे.
‘बिग बॉस 17’मध्ये कोणते स्पर्धक सहभागी होणार हे जाणून घेण्यासाठी ‘बिग बॉस’चे चाहते उत्सुक आहेत. तर 15 ऑक्टोबरपासून सुरु होणाऱ्या या सीजनमध्ये अंकिता लोखंडे, ईशा मालवीय, अर्जित तनेजा, ऐश्वर्या शर्मा आणि अरमान मिलिक या स्पर्धकांचा ‘बिग बॉस 17’मध्ये समावेश होऊ शकतो, असे सांगण्यात आले.
